Central Railway Recruitment 2025: सेंट्रल रेल्वेत निघाली 2418 पदांची भरती, कसा करावा अर्ज

मध्य रेल्वेने २४१८ अप्रेंटिस पदांसाठी भरतीसाठी अर्ज सुरू केले आहेत, ज्याची शेवटची तारीख ११ सप्टेंबर २०२५ आहे. दहावी उत्तीर्ण उमेदवार अधिकृत वेबसाइटवर ऑनलाइन अर्ज करू शकतात.

• मध्य रेल्वेमध्ये काम करण्याची सुवर्णसंधी
• २४१८ रिक्त पदं भरणार
• कसा करावा अर्ज

जर तुम्ही रेल्वेमध्ये करिअर करण्याचे स्वप्न पाहत असाल, तर मध्य रेल्वेने केलेली ही भरती तुमच्यासाठी एक उत्तम संधी ठरू शकते. रेल्वेने अप्रेंटिसशिपसाठी अर्ज मागवले आहेत, ज्यामध्ये एकूण २४१८ पदे भरली जातील. इच्छुक उमेदवार १२ ऑगस्ट २०२५ पासून अर्ज करू शकतात आणि अंतिम तारीख ११ सप्टेंबर २०२५ पर्यंत संध्याकाळी ५ वाजेपर्यंत निश्चित करण्यात आली आहे. www.rrccr.com या अधिकृत वेबसाइटवर फक्त ऑनलाइन पद्धतीने अर्ज करता येतील.

येथे दिलेल्या पद्धतीचा वापर करून तुम्ही या भरतीसाठी अर्ज करू शकता. अगदी १० वी उत्तीर्ण उमेदवारदेखील या पदासाठी अर्ज करू शकतात. तुम्हाला सरकारी नोकरी करायची असेल तर ही सर्वांसाठी उत्तम संधी आहे, त्यामुळे तुम्ही वेळीच अर्ज करा आणि त्यासाठी हा लेख नक्की वाचा 

शैक्षणिक पात्रता

या पदांसाठी अर्ज करण्यासाठी, उमेदवाराने मान्यताप्राप्त बोर्डातून किमान ५०% गुणांसह १०वी किंवा १२वी उत्तीर्ण असणे आवश्यक आहे. याशिवाय, उमेदवाराकडे संबंधित ट्रेडमध्ये राष्ट्रीय व्यापार प्रमाणपत्र (NTC) असणे आवश्यक आहे. तुम्ही १० वी वा १२ वी उत्तीर्ण असाल तर तुम्हाला या पदासाठी अर्ज करता येईल

3 पेक्षा अधिक विषयात झालात नापास, तर पुढील परीक्षेत मिळणार नाही संधी; CBSE चा नवा नियम

कोण अर्ज करू शकते?

अप्रेंटिसशिपसाठी अर्ज करणाऱ्या उमेदवाराचे वय किमान १५ वर्षे आणि कमाल २४ वर्षे असावे. तथापि, राखीव प्रवर्गातील उमेदवारांना सरकारी नियमांनुसार वयात सूट दिली जाईल. अर्ज करणाऱ्या अनुसूचित जाती/जमातीच्या उमेदवारांना ५ वर्षांची सूट दिली जाईल. त्याच वेळी, ओबीसी उमेदवारांना ३ वर्षांची सूट आणि दिव्यांग उमेदवारांना १० वर्षांची सूट दिली जाईल.

एवढी अर्ज फी भरावी लागेल

अप्रेंटिसशिपसाठी अर्ज करणाऱ्यांना १०० रुपये अर्ज फी भरावी लागेल. राखीव प्रवर्गातील आणि महिला उमेदवारांसाठी फी सूटची तरतूद आहे. अधिक माहितीसाठी, उमेदवार अधिकृत वेबसाइटची मदत घेऊ शकतात. अगदी सामान्य असा शुल्क असल्यामुळे तुम्हाला त्वरीत अर्ज करता येऊ शकतो. यासाठी जास्त महाग अथवा अधिक पैसे भरायची आवश्यकता नाही 

RRC ER मध्ये ही भरतीला उधाण! रेल्वेत काम करण्याचे स्वप्न पाहणाऱ्यांची सुवर्णसंधी

अर्ज कसा करायचा?

• अर्ज करण्यासाठी, उमेदवारांनी प्रथम www.rrccr.com या वेबसाइटवर जावे
• यानंतर, उमेदवारांनी होम पेजवरील ऑनलाइन अर्जांच्या लिंकवर क्लिक करावे
• आता उमेदवार नोंदणी करून लॉगिन करावे आणि सर्व वैयक्तिक माहिती भरावी
• त्यानंतर उमेदवार आवश्यक कागदपत्रांची स्कॅन केलेली प्रत अपलोड करावी
• यानंतर, उमेदवारांनी विहित शुल्क ऑनलाइन भरावे
• आता उमेदवारांनी फॉर्म काळजीपूर्वक तपासून त्याची प्रिंट काढावी
• या महत्त्वाच्या तारखा लक्षात ठेवाव्या – अर्ज करण्याची सुरुवात तारीख: १२ ऑगस्ट २०२५ आणि अर्ज करण्याची शेवटची तारीख: ११ सप्टेंबर २०२५

तुम्ही या लिंकवर क्लिक करून फॉर्म पाहू शकता.