मंगळवार, 15 सप्टेंबर 2026
फोटो सौजन्य- सोशल मीडिया
GAIL Recruitment 2027: इंजिनिअरिंगचे शिक्षण पूर्ण केलेल्या तरुणांसाठी GAIL (इंडिया) लिमिटेडमध्ये ‘एग्झिक्युटिव्ह ट्रेनी’ बनण्याची सुवर्णसंधी उपलब्ध झाली आहे. GAIL ने विविध अभियांत्रिकी शाखांमधील एग्झिक्युटिव्ह ट्रेनी पदांसाठी अर्ज मागवले आहेत. या भरतीचे मुख्य वैशिष्ट्य म्हणजे उमेदवारांची निवड GATE 2027 च्या स्कोअरच्या आधारे केली जाईल. म्हणजेच जे विद्यार्थी ‘गेट २०२७’ ची परीक्षा देणार आहेत, ते या भरतीसाठी पात्र ठरतील. GAIL एग्झिक्युटिव्ह ट्रेनी भरती २०२७ साठी ऑनलाईन अर्ज प्रक्रिया १७ फेब्रुवारी २०२७ पासून सुरू होणार असून १८ मार्च २०२७ पर्यंत उमेदवारांना अर्ज करता येईल. यासाठी अधिकृत संकेतस्थळ gailonline.com वर जाऊन अर्ज करावा लागेल.
एग्झिक्युटिव्ह ट्रेनीच्या विविध पदांसाठी उमेदवाराकडे संबंधित शाखेत किमान ६५% गुणांसह अभियांत्रिकी पदवी असणे आवश्यक आहे.
एग्झिक्युटिव्ह ट्रेनी : केमिकल, पेट्रोकेमिकल, केमिकल तंत्रज्ञान, पेट्रोकेमिकल तंत्रज्ञान, केमिकल टेक्नॉलॉजी अँड पॉलिमर सायन्स किंवा प्लास्टिक तंत्रज्ञानातील B.E. / B.Tech.
एग्झिक्युटिव्ह ट्रेनी : इन्स्ट्रुमेंटेशन, इन्स्ट्रुमेंटेशन अँड कंट्रोल, इलेक्ट्रॉनिक्स अँड इन्स्ट्रुमेंटेशन, इलेक्ट्रिकल अँड इन्स्ट्रुमेंटेशन, इलेक्ट्रॉनिक्स किंवा इलेक्ट्रिकल अँड इलेक्ट्रॉनिक्समधील पदवी.
एग्झिक्युटिव्ह ट्रेनी : इलेक्ट्रिकल, इलेक्ट्रिकल अँड इलेक्ट्रॉनिक्स अँड पॉवर, इलेक्ट्रिकल अँड इलेक्ट्रॉनिक्स किंवा इलेक्ट्रिकल अँड पॉवरमधील इंजिनिअरिंग पदवी.
एग्झिक्युटिव्ह ट्रेनी : मेकॅनिकल, प्रोडक्शन, प्रोडक्शन अँड इंडस्ट्रियल, मॅन्युफॅक्चरिंग किंवा मेकॅनिकल अँड ऑटोमोबाईल क्षेत्रातील अभियांत्रिकी पदवी.
वयोमर्यादा
कमाल वय: सर्व शाखांच्या पदांसाठी कमाल वयोमर्यादा २६ वर्षे निश्चित करण्यात आली आहे.
वयाची गणना: उमेदवाराच्या वयाची गणना १८ मार्च २०२७ या तारखेच्या आधारे केली जाईल.
१. उमेदवारांना सर्वप्रथम GATE 2027 परीक्षेसाठी नोंदणी करावी लागेल आणि ती परीक्षा द्यावी लागेल.
२. उमेदवार ज्या शाखेच्या पदासाठी अर्ज करत आहे, त्याला GATE 2027 चा तोच संबंधित पेपर द्यावा लागेल.
३. GATE 2027 मध्ये मिळालेला स्कोअर आणि GAIL ची गरज याच्या आधारे पात्र उमेदवारांना पुढील टप्प्यासाठी शॉर्टलिस्ट केले जाईल.
SSC CGL Exam 2026 : एसएससी सीजीएल परीक्षेच्या तारखा जाहीर! ‘या’ नव्या पॅटर्ननुसार होणार परीक्षा
१. सर्वप्रथम GAIL च्या अधिकृत संकेतस्थळाला gailonline.com भेट द्या.
२. होमपेजवर उपलब्ध असलेल्या ‘GAIL Executive Trainee Recruitment 2027’ च्या लिंकवर क्लिक करा.
३. मागितलेली सर्व नोंदणी माहिती (Registration Details) भरून खाते तयार करा आणि लॉगिन करा.
४. ऑनलाईन अर्ज भरा, सर्व आवश्यक माहिती काळजीपूर्वक तपासा आणि लागू असल्यास अर्ज शुल्क भरा.
५. अर्ज पूर्ण झाल्यानंतर तो सबमिट करा आणि कन्फर्मेशन पेज डाऊनलोड करून त्याची हार्ड कॉपी भविष्यातील संदर्भासाठी जतन करा.
Delhi University निवडणूक! कोण बनू शकतं उमेदवार? हायकोर्टाचा निर्णय अन् खर्चाची मर्यादा एकदा वाचाच
ऑनलाईन अर्ज सुरू होण्याची तारीख: १७ फेब्रुवारी २०२७
अर्ज करण्याची अंतिम तारीख: १८ मार्च २०२७
