CA Foundation Result 2026: प्रतीक्षा संपली! आज सीए फाउंडेशन परीक्षेचा निकाल जाहीर होणार; ‘या’ लिंकवर पाहा स्कोरकार्ड!

ICAI CA Foundation Result 2026: इन्स्टिट्यूट ऑफ चार्टर्ड अकाउंटंट्स ऑफ इंडिया (ICAI) आज, ६ नोव्हेंबर २०२६ रोजी CA फाउंडेशन सप्टेंबर परीक्षेचा निकाल जाहीर करणार असून, उमेदवार caresults.icai.org या अधिकृत पोर्टलवर रोल आणि रजिस्ट्रेशन नंबर टाकून निकाल पाहू शकतात.

• ऑनलाइन जाहीर होणार CA फाउंडेशन सप्टेंबर २०२६ चा निकाल
• रजिस्ट्रेशन आणि रोल नंबर द्वारे असे डाउनलोड करा स्कोरकार्ड
• स्कोरकार्डमधील ‘ही’ माहिती नक्की तपासा

ICAI CA Foundation Result 2026: चार्टर्ड अकाउंटंट (CA) बनण्याचे स्वप्न पाहणाऱ्या आणि सप्टेंबर २०२६ मध्ये सीए फाउंडेशनची परीक्षा दिलेल्या विद्यार्थ्यांची प्रतीक्षा आज संपणार आहे. इन्स्टिट्यूट ऑफ चार्टर्ड अकाउंटंट्स ऑफ इंडिया (ICAI) आज म्हणजेच ६ नोव्हेंबर २०२६ रोजी सीए फाउंडेशन सप्टेंबर परीक्षेचा निकाल जाहीर करणार आहे. उमेदवार आपला निकाल ICAI च्या अधिकृत वेबसाईट आणि निकाल पोर्टल caresults.icai.org वर ऑनलाइन पाहू शकतील. या वेळी निकालासोबतच टॉप करणाऱ्या विद्यार्थ्यांची नावे, ऑल इंडिया रँक, रोल नंबर आणि मिळालेल्या गुणांची माहिती देखील प्रसिद्ध केली जाईल. त्यामुळे उमेदवारांना असा सल्ला देण्यात आला आहे कि त्यांनी आपला नोंदणी क्रमांक आणि रोल नंबर आधीच तयार ठेवावा, जेणेकरून निकाल जाहीर होताच सहजपणे स्कोरकार्ड डाउनलोड करता येईल.

ऑनलाइन जाहीर होणार CA फाउंडेशन सप्टेंबर २०२६ चा निकाल

ICAI ने माहिती दिली आहे की, CA फाउंडेशन सप्टेंबर २०२६ परीक्षेचा निकाल ६ नोव्हेंबर रोजी घोषित केला जाईल. सप्टेंबरमध्ये आयोजित केलेल्या या परीक्षेत सहभागी झालेले विद्यार्थी संस्थेच्या अधिकृत निकाल पोर्टलवर जाऊन आपले स्कोरकार्ड पाहू शकतात. निकाल केवळ ऑनलाइन स्वरूपात उपलब्ध असेल. संस्थेच्या वतीने कोणत्याही उमेदवाराला मार्कशीट पोस्टाद्वारे पाठवली जाणार नाही.

उमेदवार ICAI च्या मुख्य वेबसाईट icai.org किंवा थेट निकाल पोर्टल caresults.icai.org/caresult/ वर जाऊन आपला निकाल तपासू शकतात. निकाल जाहीर झाल्यानंतर वेबसाईटवर संबंधित परीक्षेची लिंक ॲक्टिव्ह केली जाईल.

रजिस्ट्रेशन आणि रोल नंबर द्वारे असे डाउनलोड करा स्कोरकार्ड

1. सर्वात आधी ICAI च्या अधिकृत निकाल पोर्टल caresults.icai.org वर जा.

2. त्यानंतर होमपेजवर दिलेल्या ‘CA Foundation September 2026 Result’ च्या ॲक्टिव्ह लिंकवर क्लिक करा.

3. आता स्क्रीनवर एक नवीन विंडो उघडेल, जिथे तुमचा रजिस्ट्रेशन नंबर आणि रोल नंबर टाकावा लागेल.

4. माहिती भरल्यानंतर सबमिट बटणावर क्लिक करा.

5. यानंतर तुमचे निकाल-कम-स्कोरकार्ड स्क्रीनवर दिसायला लागेल.

6. यामध्ये तुमचे सर्व तपशील आणि मिळालेले गुण काळजीपूर्वक तपासा.

7. भविष्यातील वापर आणि पुढील टप्प्याच्या प्रक्रियेसाठी स्कोरकार्ड डाउनलोड करून त्याची प्रिंटआउट काढून सुरक्षित ठेवा.

AIIMS Nagpur Recruitment 2026: एम्स नागपूरमध्ये संशोधन वैज्ञानिक पदावर मेगा भरती; किती मिळणार मानधन?

CA फाउंडेशन सप्टेंबर २०२६ च्या निकालासोबतच परीक्षेत उत्कृष्ट कामगिरी करणाऱ्या उमेदवारांची टॉपर्स लिस्ट देखील जाहीर केली जाईल. यामध्ये टॉप करणाऱ्या विद्यार्थ्यांची नावे, त्यांची ऑल इंडिया रँक, रोल नंबर आणि मिळालेल्या गुणांची माहिती दिली जाईल. यामुळे या परीक्षेत कोणत्या विद्यार्थ्याने सर्वात उत्तम कामगिरी केली आहे आणि टॉप रँक कोणाला मिळाली आहे, हे विद्यार्थ्यांना जाणून घेता येईल.

स्कोरकार्डमधील ‘ही’ माहिती नक्की तपासा

निकाल जाहीर झाल्यानंतर उमेदवारांनी त्यांच्या स्कोरकार्डमध्ये दिलेली सर्व माहिती काळजीपूर्वक पाहणे आवश्यक आहे. यामध्ये सर्वात पहिले स्वतःचे नाव आणि रोल नंबर तपासून घ्या. याशिवाय परीक्षेचे नाव, एकूण मिळालेले गुण, पास टक्केवारी आणि क्वालिफायिंग स्टेटस देखील तपासा.

स्कोरकार्डमध्ये नोंदवलेल्या कोणत्याही माहितीमध्ये चूक आढळल्यास उमेदवारांनी त्याकडे दुर्लक्ष करू नये. निकालाची प्रिंटआउट काढण्यापूर्वी सर्व तपशील अचूक असल्याची खात्री करून घ्या.

UPSC Mains Result 2026: यूपीएससी मुख्य परीक्षेचा निकाल जाहीर! ‘या’ तारखेपर्यंत अर्ज अपडेट करणे अनिवार्य

२, ५, ७ आणि ९ सप्टेंबर रोजी झाली होती CA फाउंडेशनची परीक्षा

ICAI ने सप्टेंबर २०२६ सत्राची CA फाउंडेशन परीक्षा पेन-आणि-पेपर म्हणजेच ऑफलाइन पद्धतीने आयोजित केली होती. देशभरातील निर्धारित परीक्षा केंद्रांवर ही परीक्षा २, ५, ७ आणि ९ सप्टेंबर २०२६ रोजी पार पडली होती. परीक्षा पूर्ण झाल्यापासूनच विद्यार्थी त्यांच्या निकालाची वाट पाहत होते. आता ६ नोव्हेंबर रोजी निकाल जाहीर झाल्यामुळे त्यांची प्रतीक्षा संपणार आहे.