Jalgaon News: (फोटो सौजन्य- सोशलमीडिया)
एरंडोल (वा.) चालू खरीप हंगामात पावसाने दिलेली ओढ आणि ‘अलनिनो’च्या प्रभावामुळे तालुक्यावर संभाव्य भीषण पाणीटंचाईचे सावट निर्माण झाले आहे. या परिस्थितीची गंभीर दखल घेत, आगामी काळात नागरिकांना पिण्याच्या पाण्याचा तुटवडा भासू नये, यासाठी एरंडोल तालुक्यातील अंजनी धरणातील आरक्षित जलसाठ्याच्या रक्षणासाठी प्रशासनाने आक्रमक पावले उचलली आहेत. Jalgaon News:
पाण्याचा अनधिकृत व अवैध उपसा पूर्णपणे रोखण्यासाठी ‘झिरो टॉलरन्स’ धोरण अवलंबण्यात आले असून, धरणावर २४ तास खडा पहारा देण्यास सुरुवात झाली आहे. ८ ऑक्टोबर रोजी यासंदर्भातील अधिकृत आदेश जारी करण्यात आले असून त्याची प्रत्यक्ष अंमलबजावणी सुरू करण्यात आली आहे. पाण्याची नासाडी आणि चोरी रोखण्यासाठी प्रांताधिकारी मनीषकुमार गायकवाड, तहसीलदार गोपाळ पाटील आणि गिरणा पाटबंधारे विभागाचे उपविभागीय अधिकारी कुलदीप पाटील यांच्या संयुक्त मार्गदर्शनाखाली धडक कारवाई केली जात आहे.
अलनिनोचा प्रभाव आणि दुष्काळसदृश परिस्थिती लक्षात घेता उपलब्ध पाणीसाठ्याचे अत्यंत काटकसरीने नियोजन केले जात आहे. सध्या अंजनी धरणात ८३.४० टक्के जलसाठा उपलब्ध आहे. तर एकूण पाणीसाठा १६.७९९ दलघमी असून उपयुक्त पाणीसाठा १३.०२७ दलघमी इतका आहे. अंजनी धरणाव्यतिरिक्त भालगांव तलाव व दहिगाव बंधारा या दोन्ही महत्त्वाच्या ठिकाणीही अवैध पाणी उपसा रोखण्यासाठी विशेष पथके तैनात करण्यात आली आहेत. पिण्याच्या पाण्याचा प्रत्येक थेंब सुरक्षित राखण्यासाठी तालुका प्रशासन आणि पाटबंधारे विभाग पूर्ण क्षमतेने कार्यरत झाले आहे.
अंजनी धरणातील पाण्याचा थेंबन्थेंब वाचवण्यासाठी विविध शासकीय यंत्रणा एकत्र आल्या असून खालील विभागांचे अधिकारी-कर्मचारी संयुक्तपणे मैदानात उतरले आहेत. पथकांमध्ये महसूल विभाग, स्थानिक प्रशासन, महावितरण तांत्रिक कर्मचारी, पाटबंधारे विभाग लघु पाटबंधारे विभाग व पोलीस प्रशासनातील अधिकारी व कर्मचारांचा समावेश आहे.
Ans: अंजनी धरणात सध्या ८३.४० टक्के जलसाठा आहे.
Ans: पिण्याच्या पाण्याचा आरक्षित साठा सुरक्षित ठेवण्यासाठी आणि अवैध पाणी उपसा रोखण्यासाठी पहारा दिला जात आहे.
Ans: पंप व साहित्य जप्त करणे, कृषी वीज कनेक्शन खंडित करणे आणि फौजदारी गुन्हे दाखल करणे अशी कारवाई होणार आहे.
.png "Videos"){kind=small}
