फोटो सौजन्य- सोशल मीडिया
उमेदवाराकडे किमान पदवी असणे आवश्यक आहे, तर पदव्युत्तर पदवी असणाऱ्या उमेदवारांना प्राधान्य दिले जाईल. प्लेसमेंट, माजी विद्यार्थी संबंध, इव्हेंट मॅनेजमेंट किंवा कॉर्पोरेट कम्युनिकेशन क्षेत्रात किमान ३ वर्षांचा अनुभव असणे गरजेचे आहे. आयआयएम, आयआयटी, एनआयटी किंवा इतर नामांकित शैक्षणिक संस्थांमध्ये काम केलेल्या अनुभवास विशेष प्राधान्य मिळेल. मायक्रोसॉफ्ट ऑफिस, कॅव्हा आणि सोशल मीडिया प्लॅटफॉर्म्सचे प्रात्यक्षिक ज्ञान असणे आवश्यक आहे.
अर्ज करणाऱ्या उमेदवाराचे वय अर्ज करण्याच्या अंतिम तारखेनुसार ३० वर्षांपेक्षा जास्त नसावे.
निवड झालेल्या उमेदवारास ७ व्या वेतन आयोगाच्या नियमांनुसार आणि संस्थेच्या निकषांनुसार योग्य वेतन श्रेणीत नियमित नियुक्ती दिली जाईल. सुरुवातीला २ वर्षांचा प्रोबेशन (प्रशिक्षण) काळ असेल. तसेच संस्थेच्या धोरणानुसार इतर भत्ते आणि उपलब्धतेनुसार राहण्याची सोय देखील मिळू शकते.
ही भरती प्रक्रिया पूर्णपणे ऑनलाइन आहे. इच्छुक उमेदवारांनी IIM नागपूरच्या अधिकृत वेबसाइटवर जाऊन फक्त ऑनलाइन माध्यमातूनच अर्ज करायचा आहे. अर्ज करण्याची अंतिम तारीख २० नोव्हेंबर २०२६ रोजी संध्याकाळी ५:०० वाजेपर्यंत आहे. इच्छुक आणि पात्र उमेदवारांनी मुदतीपूर्वी आपला अर्ज अधिकृत पोर्टलवर जाऊन सादर करावा. अधिक माहितीसाठी संस्थेच्या अधिकृत वेबसाइटला भेट द्यावी.






