फोटो सौजन्य - Social Media
प्रवेशपत्र डाउनलोड करण्याची प्रक्रिया:
स्पेशालिस्ट ऑफिसर भरती परीक्षा 16 नोव्हेंबर 2025 रोजी देशभरातील विविध केंद्रांवर होणार आहे. या भरतीद्वारे एकूण 127 पदे भरली जाणार आहेत. परीक्षेत 100 बहुपर्यायी प्रश्न (100 गुण) विचारले जातील. विषयांमध्ये इंग्रजी भाषा, बँकिंग क्षेत्रातील सामान्य ज्ञान आणि व्यावसायिक ज्ञान यांचा समावेश असेल. परीक्षेची वेळ 2 तासांची असेल. प्रत्येक चुकीच्या उत्तरासाठी 0.25 गुणांची नकारात्मक गुणपद्धती लागू राहील.
किमान पात्रता गुण निश्चित करण्यात आली आहे. आरक्षित प्रवर्गासाठी ३०% जागा निश्चित करण्यात आली आहे तर अनारक्षित प्रवर्गासाठी ३५% जागा निश्चित करण्यात आली आहे. उमेदवारांनी प्रवेशपत्र डाउनलोड केल्यानंतर त्यामधील नाव, रोल नंबर, परीक्षा केंद्र, तारीख आणि शिफ्टची माहिती नीट तपासावी. कोणतीही विसंगती आढळल्यास तत्काळ बँकेच्या हेल्पडेस्कशी संपर्क साधावा.
IOB बँकेविषयी माहिती:
इंडियन ओव्हरसीज बँक (IOB) ही भारतातील एक सार्वजनिक क्षेत्रातील अग्रगण्य बँक आहे. या बँकेची स्थापना १० फेब्रुवारी १९३७ रोजी झाली असून तिचे मुख्यालय चेन्नई (तमिळनाडू) येथे आहे. देशभरात आणि परदेशातही या बँकेच्या अनेक शाखा कार्यरत आहेत. ग्राहकांना अत्याधुनिक डिजिटल बँकिंग सुविधा पुरविण्यात IOB अग्रस्थानी आहे.
सध्या IOB तर्फे कर्ज सुविधा, बचत खाते, इंटरनेट बँकिंग, मोबाईल बँकिंग, क्रेडिट कार्ड, तसेच MSME आणि कृषी क्षेत्रासाठी विविध योजना राबवल्या जातात. याशिवाय, बँक युवकांसाठी नोकरीच्या संधी उपलब्ध करून देण्यासाठी नियमितपणे भरती प्रक्रिया आयोजित करते.
महत्वाचे:
उमेदवारांनी परीक्षा दिवशी प्रवेशपत्रासोबत वैध ओळखपत्र (जसे की आधार कार्ड, पॅन कार्ड किंवा पासपोर्ट) अनिवार्यपणे सोबत ठेवावे. परीक्षा केंद्रावर वेळेपूर्वी पोहोचणे आवश्यक आहे. प्रवेशपत्रावरील सूचनांचे काटेकोरपणे पालन करावे, अन्यथा उमेदवारास परीक्षेत बसण्याची परवानगी मिळणार नाही.
अधिक माहितीसाठी उमेदवारांनी [www.iob.in](http://www.iob.in) या संकेतस्थळाला नियमित भेट द्यावी.
.png "Videos"){kind=small}
