देशातील पहिला ‘मुंबई क्लायमेट वीक’ १७ ते १९ फेब्रुवारीदरम्यान मुंबईत!

मुख्यमंत्री देवेंद्र फडणवीस यांनी या उपक्रमाचे स्वागत करताना म्हटले की, “मुंबई क्लायमेट वीक भारताची हवामान विषयक कृतीशील भूमिका अधोरेखित करतो. शासन, उद्योग, वित्त संस्था, तज्ज्ञ आणि युवक यांना एकत्र आणून महाराष्ट्र शाश्वत भविष्य घडवण्यासाठी सज्ज असल्याचा संदेश या मंचातून दिला जाईल.” प्रोजेक्ट मुंबईचे संस्थापक व मुख्य कार्यकारी अधिकारी शिशिर जोशी यांनी सांगितले की, “नागरिकांच्या सहभागातून उभी राहणारी ही देशातील पहिली व्यापक हवामान चळवळ ठरेल.”

पहिल्या दिवशी प्रिन्स विल्यम यांच्या संकल्पनेतील ‘अर्थशॉट प्राईज’ सादरीकरणाचा विशेष कार्यक्रम होणार आहे. अंतराळवीर राकेश शर्मा आणि शुभांशु शुक्ला विद्यार्थ्यांशी संवाद साधणार आहेत. एनएसईच्या सहकार्याने आयोजित इनोव्हेशन चॅलेंजमध्ये निवडलेल्या कल्पनांना धोरणकर्ते व गुंतवणूकदारांसमोर सादरीकरणाची संधी मिळणार आहे.

महाराष्ट्र शासनासोबत काम करण्यास उत्सुक! शिक्षण आणि आरोग्य क्षेत्रात ‘एआयएफ’ संस्था

या उपक्रमात ३० हून अधिक देशांतील प्रतिनिधी सहभागी होणार असून हिलरी क्लिंटन, बिल गेट्स, राजीव शाह, सचिन तेंडुलकर यांसारख्या मान्यवरांची उपस्थिती अपेक्षित आहे. तसेच विविध केंद्रीय मंत्री, उद्योग व सामाजिक क्षेत्रातील प्रतिनिधीही सहभागी होणार आहेत. आयडीएफसी फर्स्ट बँक प्रमुख भागीदार तर डेलॉइट धोरणात्मक ज्ञान भागीदार आहे; टीआयएसएस व आयआयटी मुंबई शैक्षणिक भागीदार म्हणून सहकार्य करणार आहेत.

संबंधित बातम्या