शिष्यवृत्तीसाठी अर्ज करण्याचे आदिवासी विकास विभागाचे आवाहन! आदिवासी विद्यार्थ्यांना परदेशात उच्च शिक्षणाची संधी

पात्रतेच्या निकषांनुसार उमेदवार तसेच त्यांचे आई-वडील किंवा पालक भारताचे नागरिक आणि महाराष्ट्र राज्याचे अधिवासी असणे आवश्यक आहे. शैक्षणिक वर्ष २०२६-२७ मध्ये परदेशातील शैक्षणिक संस्थेत प्रवेश घेतलेला किंवा प्रवेशासाठी पात्र असलेला उमेदवार अर्ज करू शकतो. संबंधित विद्यापीठाचे अद्ययावत (२०२६ मधील) क्यूएस वर्ल्ड रँकिंग २०० च्या आत असणे बंधनकारक आहे. विहित निकषांनुसार पात्र विद्यार्थी उपलब्ध न झाल्यास ही अट ३०० क्रमांकापर्यंत शिथिल केली जाईल.

उमेदवाराच्या कुटुंबाचे एकत्रित वार्षिक उत्पन्न (आर्थिक वर्ष २०२५-२६) सर्व स्रोतांद्वारे मिळून ८ लाख रुपयांपेक्षा जास्त नसावे. पात्र उमेदवार उपलब्ध न झाल्यास उत्पन्न मर्यादा १० लाख रुपयांपर्यंत वाढविण्याची तरतूद आहे. योजनेच्या सविस्तर अटी, शर्ती, वयोमर्यादा, शैक्षणिक अर्हता, अनुज्ञेय लाभ आणि निवड प्रक्रिया याबाबतची माहिती आदिवासी विकास विभागाच्या https://fs.maharashtra.gov.in या संकेतस्थळावर उपलब्ध आहे.

इंग्रजी विषयाच्या परीक्षेत ४२ गैरप्रकार उघड! अमरावतीत २२ प्रकार; मुंबई, कोल्हापूरात गैरप्रकार नाही

इच्छुक विद्यार्थ्यांनी केवळ ऑनलाईन पद्धतीने अर्ज करणे बंधनकारक असून आवश्यक प्रमाणपत्रे व कागदपत्रे अर्जासोबत अपलोड करावीत. ऑनलाईन अर्जाव्यतिरिक्त इतर कोणत्याही माध्यमातून केलेले अर्ज ग्राह्य धरले जाणार नाहीत. अर्जासंदर्भातील सर्व सूचना अर्जदारांना त्यांच्या नोंदणीकृत ईमेलद्वारे कळविण्यात येतील, असे प्रसिद्धीपत्रकात नमूद करण्यात आले आहे.