
Image
एजन्सीने विद्यार्थ्यांच्या सामान्य अडचणी दूर करण्यासाठी ४८ वारंवार विचारल्या जाणाऱ्या प्रश्नांची (FAQs) सविस्तर यादी जाहीर केली आहे. यामध्ये नोंदणी, डिजीलॉकर, APAAR आयडी, पात्रता परीक्षा, शहर निवड आणि करेक्शन विंडोशी संबंधित अनेक महत्त्वाच्या नियमांचे स्पष्टीकरण देण्यात आले आहे.
NTA च्या स्पष्टीकरणानुसार, उमेदवारांना जेईई मेन २०२७ च्या अर्ज पत्रामध्ये आपले नाव अगदी तसेच भरावे लागेल, जसे त्यांच्या १० वीच्या मार्कशीटमध्ये नोंदवले आहे. जरी आधार कार्डवर नाव थोडे वेगळे असले, तरी फॉर्म भरताना तुम्हाला १० वीच्या कागदपत्रांचेच अनुसरण करावे लागेल. अशा प्रकारच्या तफावतीमुळे कोणत्याही विद्यार्थ्याची उमेदवारी धोक्यात येणार नाही, असे एजन्सीने स्पष्ट केले आहे.
NTA ने हे देखील स्पष्ट केले आहे की, जेईई मेन २०२७ च्या नोंदणीसाठी APAAR आयडी अनिवार्य नाही. विद्यार्थी याशिवायही आपला अर्ज पूर्ण करू शकतात. तसेच, नोंदणी सुरू करण्यापूर्वी विद्यार्थ्यांनी त्यांचे डिजीलॉकर री-केवायसी पूर्ण करून घ्यावे, जेणेकरून अर्ज कन्फर्मेशन पेजवर त्यांचा लेटेस्ट फोटो योग्य प्रकारे प्रदर्शित होऊ शकेल. डिजीलॉकर लॉगिनमध्ये काही समस्या आल्यास, विद्यार्थी त्यांच्या स्वतःच्या लॉगिन क्रेडेन्शियल्सद्वारे पुन्हा प्रयत्न करू शकतात.
कॅटगरी सर्टिफिकेट: जेईई मेन २०२७ साठी नोंदणी करताना कॅटगरी प्रमाणपत्र अपलोड करण्याची आवश्यकता नाही. परंतु, प्रमाणपत्र जारी झाल्याची तारीख आणि जारी करणाऱ्या प्राधिकाऱ्याचा तपशील भरणे अनिवार्य आहे.
१२ वीचा रोल नंबर: जे विद्यार्थी २०२६-२७ मध्ये १२ वीची परीक्षा देत आहेत, त्यांना रोल नंबर किंवा रजिस्ट्रेशन नंबर जारी न झाल्यास ‘Not Available’ हा पर्याय निवडता येईल. तसेच इम्प्रूवमेंट परीक्षा देणाऱ्या विद्यार्थ्यांना ‘Passed’ हा पर्याय निवडावा लागेल.
परीक्षा शहर आणि थेट फोटो : पत्त्याच्या अटींच्या अधीन राहून विद्यार्थी जास्तीत जास्त चार पसंतीची परीक्षा शहरे निवडू शकतात. तसेच सिस्टीमद्वारे लाईव्ह फोटो स्विकारला गेला नाही, तर उमेदवार तो अनेकदा पुन्हा क्लिक करू शकतात.
सत्र २ साठी वेगळा फॉर्म: एप्रिल २०२७ मध्ये होणाऱ्या दुसऱ्या सत्रात सहभागी होवू इच्छिणाऱ्या विद्यार्थ्यांना स्वतंत्र अर्ज सादर करावा लागेल.
Ans: नाही. NTA ने स्पष्ट केले आहे की, आधार कार्ड आणि १० वीच्या प्रमाणपत्रावरील नावांमध्ये तफावत असली तरी त्यामुळे उमेदवाराच्या पात्रतेवर किंवा अर्जावर कोणताही परिणाम होत नाही. फॉर्म भरताना विद्यार्थ्यांनी १० वीच्या मार्कशीटवरील नावाचाच वापर करावा.
Ans: नाही, जेईई मेन २०२७ च्या नोंदणीसाठी APAAR आयडी अनिवार्य नाही. विद्यार्थी याशिवायही आपला अर्ज यशस्वीपणे पूर्ण करू शकतात.
Ans: सत्र १ साठी ऑनलाइन अर्ज करण्याची अंतिम तारीख २२ नोव्हेंबर २०२६ (रात्री ११:५० वाजेपर्यंत) आहे. तसेच २३ ते २६ नोव्हेंबर २०२६ दरम्यान लेट फीसह अर्ज करता येईल.