इंडियन बँकेत 350 स्पेशलिस्ट ऑफिसर पदांसाठी अर्ज सुरू; पात्रता ते पगार सर्व तपशील जाणून घ्या

इंडियन बँकेत एकूण ३५० विशेषज्ञ अधिकारी पदांसाठी अर्ज सुरू झाले आहेत. उमेदवार अधिकृत वेबसाइटला भेट देऊन अर्ज करू शकतात. यासाठी कोणती पात्रता आणि पगार किती? जाणून घ्या सविस्तर माहिती...

Indian Bank SO Vacancy 2026: इंडियन बँकेत विशेषज्ञ अधिकारी पदांच्या भरतीसाठी अर्ज सुरू झाले आहेत. उमेदवार इंडियन बँकेच्या अधिकृत वेबसाइटला भेट देऊन अर्ज करू शकतात. या भरती मोहिमेअंतर्गत एकूण ३५० विशेषज्ञ अधिकारी पदे भरली जातील. उमेदवार अधिकृत वेबसाइटला भेट देऊन नोंदणी प्रक्रिया पूर्ण करू शकतात. या पदांसाठी अर्ज करण्याची अंतिम मुदत २८ एप्रिल, २०२६ आहे. या पदासाठी कोणती पात्रता आणि पगाराची सुरुवात कितीपासून आहे, जाणून घ्या सविस्तर बातमी…

वयोमर्यादा

अर्ज करण्यासाठी किमान वय २३ वर्षे आणि कमाल वय ३३ वर्षे आहे.

राखीव प्रवर्गातील उमेदवारांना वयामध्ये काही प्रमाणात सूट दिली जाईल. अनुसूचित जाती (SC) आणि अनुसूचित जमाती (ST) उमेदवारांना पाच वर्षांची, इतर मागासवर्गीय (OBC) उमेदवारांना तीन वर्षांची आणि दिव्यांग उमेदवारांना दहा वर्षांची वयामध्ये सूट दिली जाईल.

Bombay High Court Vacancy 2026: दरमहा 92,960 पगार…! सरकारी नोकरीची मोठी संधी, आताच करा अर्ज

शैक्षणिक पात्रता

या पदांसाठी अर्ज करण्यासाठी, उमेदवारांकडे भारतातील मान्यताप्राप्त संस्थेची पदवी आणि इतर आवश्यक पात्रता असणे आवश्यक आहे.

निवड प्रक्रिया

उमेदवारांची निवड लेखी परीक्षेच्या आधारे केली जाईल. उमेदवारांना इंग्रजी, संबंधित विषय, तर्कशास्त्र आणि संख्यात्मक योग्यता यांमधून १८० गुणांचे १२० प्रश्न विचारले जातील. परीक्षेचा कालावधी दोन तासांचा आहे. प्रत्येक चुकीच्या उत्तरासाठी पाव गुणांचे नकारात्मक गुणदान (निगेटिव्ह मार्किंग) देखील असेल. या परीक्षेत निवड झालेल्या उमेदवारांना १०० गुणांच्या मुलाखतीसाठी बोलावले जाईल.

नोंदणीसाठी या स्टेप्स करा फॉलो

स्पेशालिस्ट ऑफिसर पदांसाठी अर्ज प्रक्रिया सुरू झाली आहे. उमेदवारांना मदत करण्यासाठी खालील स्टेप्स फॉलो करा…

अर्ज करण्यासाठी, सर्वप्रथम indianbank.bank.in या अधिकृत वेबसाइटला भेट द्या.

वेबसाइटच्या होमपेजवरील ‘नोंदणी’ (Registration) विभागावर क्लिक करा.

सर्व आवश्यक माहिती काळजीपूर्वक भरल्यानंतर, तुम्हाला नोंदणी शुल्क भरावे लागेल.

शेवटी, अर्ज पूर्ण केल्यानंतर, त्याची एक प्रिंटआउट नक्की घ्या.

CBSE दहावीच्या विद्यार्थ्यांसाठी महत्त्वाची बातमी, ‘या’ महिन्यात पुन्हा होणार परीक्षा; निकालापूर्वीच लागा तयारीला