
Image
राष्ट्रीय स्तरावरील जेईई मेन परीक्षेप्रमाणे महाराष्ट्रातील विद्यार्थ्यांनाही अधिक संधी मिळाव्यात याकरिता मागील वर्षापासून पीसीएम, पीसीबी आणि एमबीए या तीन अभ्यासक्रमांची सीईटी दोन वेळा घेतली जात होती. याला विद्यार्थ्यांकडून उत्फुर्त प्रतिसाद मिळाला. त्यामुळे आणखी ८ अभ्यासक्रमांची भर घालून ही संख्या ११ करण्यात आली आहे.
पीसीएम, पीसीबी आणि एमबीए.पीजीडीएम, पीजीसीएम, एलएलबी, बीएजएमसीटी, बीसीए, बीबीए, बीएमएस आणि बीबीएम या अभ्यासक्रमांची यंदापासून दोन वेळा सीईटी परीक्षा घेतली जाणार आहे.
विशेष म्हणजे पहिली सीईटी देणे बंधनकारक असून दुसरी सीईटी ऐच्छुक असेल. तसेच विद्यार्थ्यांने दोन्ही परीक्षा दिल्यास अधिक पर्सेंटाईल गुण असलेल्या परीक्षेचे गुण ग्राह्य धरले जातील. तरी विद्यार्थ्यांनी या अभ्यासक्रमाच्या सीईटी परीक्षेचे सांभाव्य वेळापत्रक महाराष्ट्र राज्य सामाईक प्रवेश परीक्षा कक्षाच्या अधिकृत वेबसाईटवर जाऊन पहावे.