IITM Pune Recruitment 2026: हवामान विज्ञान संस्थेत बंपर भरती! ‘या’ तारखेपासून सुरू होणार मुलाखती, त्वरित तपासा पात्रता

IITM Pune Recruitment 2026: भारतीय उष्णदेशीय मौसम विज्ञान संस्थान (IITM) पुणे येथे विविध संशोधन प्रकल्पांसाठी कंत्राटी भरती जाहीर करण्यात आली आहे. २२ ते २९ ऑक्टोबर २०२६ दरम्यान थेट वॉक-इन इंटरव्यूद्वारे पात्र उमेदवारांची निवड केली जाणार आहे.

• आयआयटीएम पुण्यात विविध पदांसाठी भरती
• निवड झालेल्या उमेदवारांची ‘या’ ठिकाणी नियुक्ती होणार
• अधिक माहितीसाठी उमेदवारांनी ‘या’ वेबसाईटला भेट द्यावी

IITM Pune Recruitment 2026: भारत सरकारच्या पृथ्वी विज्ञान मंत्रालयांतर्गत असलेल्या ‘भारतीय उष्णदेशीय मौसम विज्ञान संस्थान’ (IITM), पुणे यांनी विविध संशोधन प्रकल्पांसाठी कंत्राटी तत्त्वावर पदभरती जाहीर केली आहे. या भरतीअंतर्गत सिनियर प्रोजेक्ट असोसिएट, प्रोजेक्ट असोसिएट-I व II, टेक्निकल असिस्टंट, प्रोजेक्ट असिस्टंट आणि फील्ड/लॅबोरेटरी असिस्टंट अशी विविध पदे भरली जाणार आहेत. या सर्व जागांसाठी थेट वॉॉक-इन इंटरव्यू (लेखी व कौशल्य चाचणी) आयोजित करण्यात आले आहेत.

IIT vs NIT Fees: IIT आणि NIT मध्ये नेमका फरक काय? जाणून घ्या कुठे मिळतो कोट्यवधींचा पगार अन् कसा होतो प्रवेश

निवड झालेल्या उमेदवारांची ‘या’ ठिकाणी नियुक्ती होणार

या पदभरतीमध्ये २ सिनियर प्रोजेक्ट असोसिएट (मानधन ₹४२,००० + HRA, वय मर्यादा ४० वर्षे), ४ प्रोजेक्ट असोसिएट-II (मानधन ₹३५,०००/२८,००० + HRA, वय मर्यादा ३५ वर्षे), १३ प्रोजेक्ट असोसिएट-I (मानधन ₹३१,०००/२५,००० + HRA, वय मर्यादा ३५ वर्षे), ३ टेक्निकल असिस्टंट (मानधन ₹२०,००० + HRA, वय मर्यादा ५० वर्षे), ३ प्रोजेक्ट असिस्टंट (मानधन ₹२०,००० + HRA, वय मर्यादा ५० वर्षे) आणि ६ फील्ड/लॅबोरेटरी असिस्टंट (मानधन ₹२०,००० + HRA, वय मर्यादा ५० वर्षे) अशा पदांचा समावेश आहे. निवड झालेल्या उमेदवारांची नियुक्ती पुणे, चेन्नई, गुवाहाटी, दिल्ली, आसाम (तेजपूर) किंवा भोपाळ या ठिकाणी केली जाऊ शकते.

NMC MBBS Mercy Attempt: एमबीबीएस विद्यार्थ्यांसाठी मोठी बातमी! प्रथम वर्ष पास होण्यासाठी मिळणार अतिरिक्त ‘मर्सी अटेम्प्ट’

अधिक माहितीसाठी उमेदवारांनी ‘या’ वेबसाईटला भेट द्यावी

संबंधित पदांनुसार २२ ऑक्टोबर ते २९ ऑक्टोबर २०२६ दरम्यान सकाळी ०९:०० ते १०:०० वाजेदरम्यान उमेदवारांनी उपस्थित राहाणे अनिवार्य आहे. १०:०० वाजेनंतर येणाऱ्या उमेदवारांना चाचणीस बसू दिले जाणार नाही. शैक्षणिक पात्रता, वयोमर्यादेतील सूट आणि अर्जाचा नमुना याबाबतची सविस्तर माहिती IITM च्या अधिकृत संकेतस्थळावर (www.tropmet.res.in) उपलब्ध आहे. इच्छुक व पात्र उमेदवारांनी आवश्यक मूळ कागदपत्रे आणि छायांकित प्रतींसह दिलेल्या पत्त्यावर वेळेत उपस्थित राहावे.