गुरुवार, 8 ऑक्टोबर 2026
फोटो सौजन्य- एआय
Mumbai Suburban Kotwal Bharti 2026: नोकरीच्या शोधात असणाऱ्या तरुणांसाठी एक आनंदाची बातमी आहे. मुंबई उपनगर जिल्हयाच्या आस्थापनेवरील कोतवाल भरती २०२६ ची अधिसूचना जाहीर करण्यात आली आहे. या भरती प्रक्रियेअंतर्गत मुंबई उपनगर जिल्ह्यातील अंधेरी, बोरीवली आणि कुर्ला या तीन तहशिलांमधील रिक्त पदांसाठी पात्र उमेदवारांकडून अर्ज मागविण्यात आले आहेत. कोतवाल भरतीबाबतची सविस्तर माहिती जाणून घेऊया
अंधेरी तहसिलात एकूण ६, बोरीवली तहसिलात एकूण ३ आणि कुर्ला तहसिलात एकूण ४ रिक्त पदे भरण्यात येणार असून, यामध्ये विविध प्रवर्गांसाठी आरक्षण निश्चित करण्यात आले आहे. तरी इच्छुक उमेदवारांनी या पदासाठी लवकरात लवकर अर्ज करावा.
अर्ज सुरू होण्याचा दिनांक: ०८ ऑक्टोबर २०२६
अर्ज सादर करण्याचा अंतिम दिनांक: २४ ऑक्टोबर २०२६ (सायंकाळी ६:१५ वाजेपर्यंत)
लेखी परीक्षा दिनांक: १५ नोव्हेंबर २०२६ (सकाळी ११:०० ते १२:००)
Elon Musk School: इलॉन मस्कने मुलांसाठी सुरू केली ‘सीक्रेट’ शाळा; फी आणि पॅटर्न वाचून व्हाल चकित
इच्छुक उमेदवारांने किमान चौथी उत्तीर्ण असणे अनिवार्य आहे. तसेच अर्ज करणाऱ्या उमेदवाराचे वय १८ ते ४० वर्षांच्या दरम्यान असणे आवश्यक असून, तो संबंधित तालुक्याचा स्थानिक रहिवासी असणे आवश्यक आहे.
इच्छुकांनी विहित नमुन्यातील अर्ज संबंधित तहसील कार्यालयातून २० रुपयांचे शुल्क भरून प्राप्त करावा आणि २४ ऑक्टोबर २०२६ पर्यंत पूर्ण भरलेला अर्ज त्याच कार्यालयात सादर करावा. परीक्षेचे शुल्क खुल्या प्रवर्गासाठी ७०० रुपये तर मागासवर्गीय/आर्थिक दुर्बल घटकांसाठी ५०० रुपये (डिमांड ड्राफ्टद्वारे) निश्चित करण्यात आले आहे.
ही भरती पूर्णपणे १०० गुणांच्या वस्तुनिष्ठ बहुपर्यायी लेखी परीक्षेच्या आधारे होईल. यामध्ये कोणतीही मौखिक परीक्षा घेतली जाणार नाही. अंतिम निवड झालेल्या पात्र उमेदवारांना २८ नोव्हेंबर २०२६ रोजी नियुक्ती आदेश देण्यात येणार आहेत.
