neet pg
NEET PG 2026 Admit Card: नॅशनल बोर्ड ऑफ एक्झामिनेशन इन मेडिकल सायन्सेस कडून आज २४ ऑगस्ट २०२६ रोजी ‘नीट पीजी २०२६’चे प्रवेशपत्र जारी केले जाऊ शकते. प्रवेशपत्र जाहीर झाल्यानंतर उमेदवार एनबीईएमएसच्या अधिकृत वेबसाईटवरून आपल्या लॉगिन क्रेडेन्शियल्सच्या माध्यमातून ते डाउनलोड करू शकतील. नीट पीजी २०२६ परीक्षेचे आयोजन ३० ऑगस्ट रोजी होणार आहे. यापूर्वी परीक्षेच्या परीक्षा केंद्राची माहिती १२ ऑगस्ट रोजी जाहीर करण्यात आली आहे, त्यामुळे उमेदवारांना आपली युजर आयडी आणि पासवर्ड तयार ठेवण्याचा आणि प्रवेशपत्र जाहीर होताच ते त्वरित डाउनलोड करण्याचा सल्ला देण्यात आला आहे.
1. नीट पीजी प्रवेशपत्र डाउनलोड करण्यासाठी सर्वप्रथम एनबीईएमएसच्या अधिकृत वेबसाईट natboard.edu.in ला भेट द्या.
2. त्यानंतर होम पेजवर ‘नीट पीजी’ सेक्शनवर क्लिक करा.
3. आता नीट पीजी २०२६ प्रवेशपत्राशी संबंधित लिंक उघडा.
4. त्यानंतर आपली युजर आयडी आणि पासवर्ड टाका.
5. लॉगिन केल्यानंतर प्रवेशपत्र स्क्रीनवर दिसेल.
6. आता हॉल तिकीट डाउनलोड करून भविष्यातील संदर्भासाठी सेव्ह करून ठेवा.
Career Guide : ग्रॅजुएशननंतर लगेच नोकरी कशी मिळवायची? जाणून घ्या एका क्लिकवर…
नीट पीजी प्रवेशपत्र डाउनलोड केल्यानंतर उमेदवारांनी त्यावर दिलेली सर्व माहिती काळजीपूर्वक तपासणे आवश्यक आहे. हॉल तिकीटमध्ये उमेदवाराचे नाव, रोल नंबर, अर्ज आयडी, जन्मतारीख, श्रेणी, परीक्षा केंद्राचा कोड, केंद्राचे नाव आणि पत्ता, परीक्षेची तारीख व वेळ आणि रिपोर्टिंग टाईम यांसारखी माहिती दिली जाईल. उमेदवारांनी त्यांच्या प्रवेशपत्रावरील माहिती अर्जातील तपशीलांशी जुळवून पाहवी. कोणत्याही प्रकारची चूक आढळल्यास विद्यार्थ्याने एनबीईएमएसशी ऑनलाइन संपर्क साधावा.
नीट पीजी २०२६ परीक्षा ३० ऑगस्ट २०२६ रोजी घेतली जाणार आहे. परीक्षेसाठी परीक्षा शहर इंटीमेशन १२ ऑगस्ट रोजी जाहीर करण्यात आले आहे. आता प्रवेशपत्र जाहीर झाल्यानंतर उमेदवारांना परीक्षा केंद्र, रिपोर्टिंग टाईम आणि इतर आवश्यक सूचनांची माहिती पाहता येईल.
परीक्षेला उपस्थित राहणाऱ्या उमेदवारांना काही महत्त्वाची कागदपत्रे सोबत ठेवावी लागतील. यामध्ये नीट पीजी प्रवेशपत्र, अलीकडील पासपोर्ट साईज फोटो आणि वैध मूळ फोटो ओळखपत्र यांचा समावेश आहे. याशिवाय उमेदवारांना कायमस्वरूपी/प्रोव्हिजनल एसएमसी, एमसीआय किंवा एनएमसी नोंदणीची छायाप्रत देखील सोबत ठेवण्याच्या सूचना देण्यात आल्या आहेत. वैध फोटो ओळखपत्र म्हणून आधार कार्ड, पॅन कार्ड, वोटर आयडी, पासपोर्ट किंवा ड्रायव्हिंग लायसन्स यांसारखी कागदपत्रे निर्धारित निर्देशानुसार वापरता येतील.
.png "Videos"){kind=small}
