मंगळवार, 18 ऑगस्ट 2026
फोटो सौजन्य -सोशल मीडिया
PM Modi Speech: १५ ऑगस्ट रोजी स्वातंत्र्यदिनानिमित्त लाल किल्ल्यावरून केलेल्या भाषणात पंतप्रधान नरेंद्र मोदी यांनी वापरलेल्या एका शब्दाने सोशल मीडियावर मोठी चर्चा घडवून आणली आहे. आपल्या भाषणात पंतप्रधान म्हणाले होते की, जंगलात शस्त्रे उचलणाऱ्या नक्षलवाद्यांच्या विरोधात देशाला मोठे यश मिळाले आहे, परंतु आता देशात अशा पद्धतीचे ‘दिमागी नक्सली’ (वैचारिक नक्षलवादी) सक्रिय आहेत, जे विचारधारेच्या माध्यमातून समाजात अशांतता पसरवण्याचे मार्ग शोधत असतात. अशा लोकांना ओळखून त्यांना वेगळे पाडण्याचे आवाहन त्यांनी केले होते.
पंतप्रधानांच्या या विधानानंतर सोशल मीडियावर या नव्या शब्दावरून राजकीय आणि वैचारिक चर्चा सुरू झाली. काहींनी यावर प्रश्न उपस्थित केले, तर काही युजर्सनी या शब्दाला उपरोधिक आणि राजकीय व्यंग्याचा भाग बनवले. याच वातावरणाचा फायदा घेत इन्स्टाग्रामवर ‘Dimagi Naxal Party’ नावाचे एक नवीन पेज तयार करण्यात आले. या पेजवर अवघ्या काही तासांतच १.७ लाखांहून अधिक फॉलोअर्स जोडले गेले.
यापूर्वी सरन्यायाधीशांच्या एका वक्तव्यानंतर जशी ‘कॉकरोच जनता पार्टी’ (CJP) नावाचे पेज अचानक व्हायरल झाले होते आणि काही दिवसांतच त्याचे कोटींच्या घरात फॉलोअर्स झाले होते, अगदी त्याच धर्तीवर आता पंतप्रधान मोदींच्या वक्तव्यामुळे ‘दिमागी नक्सल पार्टी’ नावाचे हे पेज वेगाने लोकप्रिय होत आहे.
AI Proof Courses: एआयमुळे नोकरी जाण्याची भीती वाटतेय? मग हे ५ कोर्सेस बदलतील तुमचे करिअर!
स्लोगन: या इन्स्टाग्राम पेजवर ‘Think | Research | Resist’ असा संदेश लिहिला होता.
बायो: यामध्ये संस्थापकाचे नाव ‘A Dimagi Indian’ आणि सह-संस्थापक म्हणून ’56 Inch ka’ असा उल्लेख करण्यात आला होता.
व्हायरल ट्रेंड: इन्स्टाग्रामसोबतच ‘X’ (ट्विटर) आणि फेसबुकवरही या नावाचे विविध हँडल आणि पेज तयार केले जात आहेत. मात्र, हे पेज नक्की कोणी तयार केले आहे, याची कोणतीही अधिकृत माहिती अद्याप समोर आलेली नाही.
पंतप्रधानांनी एका विशिष्ट विचारधारेवर टीका करण्यासाठी वापरलेला हा शब्द आता सोशल मीडियावर तरुणांसाठी एक नवीन ट्रेंड, राजकीय व्यंग आणि चर्चेचा विषय बनला आहे.
