Pune University: ‘आविष्कार’ संशोधन स्पर्धेची मुदत वाढली! विद्यार्थ्यांना अन् महाविद्यालयांना दिलासा; सुधारित वेळापत्रक जाहीर

Pune University News: सावित्रीबाई फुले पुणे विद्यापीठाच्या 'आविष्कार' संशोधन स्पर्धा २०२६-२७ अंतर्गत अहवाल सादर करण्यासाठी २६ सप्टेंबरपर्यंत मुदतवाढ देण्यात आली आहे.

• आविष्कार संशोधन स्पर्धेसाठी मुदतवाढ
• २६ सप्टेंबरपर्यंत आयोजनाची संधी
• अहवाल सादर करण्याची अंतिम मुदत निश्चित
• स्पर्धेतून निवड होणाऱ्या विद्यार्थ्यांसाठी गुगल फॉर्म सादर करणे बंधनकारक
• संशोधन समन्वयकांनी सुधारित मुदतीनुसार कार्यवाही पूर्ण करण्याचे विद्यापीठाकडून आवाहन

Pune University News: सावित्रीबाई फुले पुणे विद्यापीठाच्या वतीने आयोजित करण्यात येणाऱ्या ‘आविष्कार’ संशोधन स्पर्धा २०२६-२७ अंतर्गत महाविद्यालये, स्वायत्त महाविद्यालये, मान्यताप्राप्त संस्था तसेच विद्यापीठाच्या शैक्षणिक विभागांना आवश्यक कार्यवाही पूर्ण करण्यासाठी मुदतवाढ देण्यात आली आहे.

आविष्कार संशोधन स्पर्धा आयोजित करण्यासाठी मुदतवाढ

पुणे विद्यापीठ आविष्कार संशोदन समिती अध्यक्ष प्राचार्य डॉ. देविदास वायदंडे आणि पुणे विद्यापीठ अंतर्गत गुणवत्ता हमी कक्ष संचालक प्रा. डॉ. विनायक जोशी यांनी  प्रसिद्धीपत्रकाद्वारे माहिती दिली. विद्यापीठाच्या पूर्वीच्या परिपत्रकानुसार मार्गदर्शन शिबिर, कार्यशाळा तसेच महाविद्यालय, संस्थास्तरीय व विभागस्तरीय संशोधन स्पर्धा आयोजित करून अहवाल सादर करण्याची अंतिम मुदत १९ सप्टेंबर निश्चित करण्यात आली होती. आता मार्गदर्शन शिबिर व कार्यशाळेसाठी १९ सप्टेंबरपर्यंत, तर महाविद्यालय, संस्थास्तरीय व विभागस्तरीय ‘आविष्कार’ संशोधन स्पर्धा आयोजित करण्यासाठी २६ सप्टेंबरपर्यंत मुदत देण्यात आली आहे.

IPS Bushra Bano Controversy: ‘अस्सलामु अलैकुम’ बोलल्यामुळे IPS बुशरा बानो अडचणीत? गृह सचिवांकडे तक्रार दाखल

संशोधन समन्वयकांनी सुधारित मुदतीनुसार कार्यवाही पूर्ण करण्याचे विद्यापीठाकडून आवाहन

स्पर्धेतून पुढील स्तरासाठी निवड झालेल्या विद्यार्थ्यांची व प्रकल्पांची माहिती तसेच सविस्तर अहवाल जिओटॅग केलेली छायाचित्रे सहित पीडीएफ स्वरूपात २६ सप्टेंबरपर्यंत गुगल फॉर्म द्वारे सादर करणे बंधनकारक आहे.

SSC CGL Exam 2026 : एसएससी सीजीएल परीक्षेच्या तारखा जाहीर! ‘या’ नव्या पॅटर्ननुसार होणार परीक्षा

निवडलेल्या प्रकल्पांसाठी विषय/पोस्टर कोड,एक मीटर बाय एक मीटर पोस्टर, १०० शब्दांचा अमूर्त, जिओटॅग केलेले छायाचित्र आणि एक मिनिटाचा व्हिडिओ क्लिप तयार ठेवावा लागणार आहे. प्राचार्य, संचालक, विभागप्रमुख आणि संशोधन समन्वयकांनी सुधारित मुदतीनुसार कार्यवाही पूर्ण करण्याचे आवाहन विद्यापीठाने केले आहे.

GAIL Recruitment 2027: इंजिनिअरिंग पदवीधरांना GAIL मध्ये नोकरीची संधी! शैक्षणिक पात्रता, पगार अन् निवड प्रक्रिया जाणून घ्या