
Image
या भरतीची एक मोठी खासियत म्हणजे ही सरळ भरती नसून, केवळ त्या निवडक कर्मचाऱ्यांसाठी आहे जे संबंधित विभागांमध्ये आधीपासून ‘स्टेनोग्राफर ग्रेड-डी’ म्हणून कार्यरत आहेत. मिळालेल्या माहितीनुसार, या परीक्षेअंतर्गत एकूण ३२० संभाव्य रिक्त जागा जाहीर करण्यात आल्या आहेत. ऑनलाइन अर्ज १७ नोव्हेंबरपासून सुरू झाले असून, उमेदवार ८ डिसेंबरपर्यंत अर्ज करू शकतात.
ही भरती ६ केंद्रीय संवर्गांसाठी जाहीर करण्यात आली असून, सर्वाधिक पदे ‘सेंट्रल सेक्रेटेरिएट स्टेनोग्राफर सर्व्हिस’मध्ये आहेत. प्रत्येक सेवेसाठी ग्राह्य धरली जाणारी सेवा कालावधी आणि मोजणीची निर्णायक तारीखही वेगवेगळी निश्चित करण्यात आली आहे. यामध्ये सेंट्रल सेक्रेटेरिएट स्टेनोग्राफर सर्व्हिसची २८७ पदे आहेत. तसेच आर्म्ड फोर्सेस हेडक्वार्टर स्टेनोग्राफरची १४ पदे, रेल्वे बोर्ड सेक्रेटेरिएट स्टेनोग्राफर सर्व्हिसची ८ पदे, इंडियन फॉरेन सर्व्हिस ब्रँचची ८ पदे, सेंट्रल विजिलेंस कमिशनची २ पदे आणि इलेक्शन कमिशन ऑफ इंडियाच्या १ पदाचा समावेश आहे. अशा प्रकारे एकूण ३२० पदांवर ही भरती केली जाणार आहे.
Anand Kumar Super 30: ‘पालक आता म्हणतात थोडा टीव्ही….’; आनंद कुमार यांनी मांडली आजच्या पिढीची व्यथा
या भरतीसाठी ऑनलाइन अर्ज प्रक्रिया सुरू झाली असून ८ डिसेंबर २०२६ रात्री ११:०० वाजेपर्यंत अर्ज करता येतील. तसेच विभागामार्फत अग्रेषित केलेली प्रिंटेड प्रत एसएससी नॉर्दर्न रीजन कार्यालयात २२ डिसेंबर २०२६ रोजी सायंकाळी ६ वाजेपर्यंत पोहोचणे आवश्यक आहे. तर परदेश, अंदमान-निकोबार बेटे आणि लक्षद्वीप येथील उमेदवारांसाठी ही अंतिम मुदत २९ डिसेंबर २०२६ रोजी सायंकाळी ६ वाजेपर्यंत आहे. परीक्षा शहराची माहिती परीक्षेच्या सुमारे १० दिवस आधी एसएससीच्या अधिकृत वेबसाइटवर आणि ॲडमिट कार्ड परीक्षेच्या ३ ते ४ दिवस आधी उपलब्ध करून दिले जाईल.
या भरतीसाठी निवड संगणक आधारित परीक्षा, स्टेनोग्राफी स्किल टेस्ट आणि सर्व्हिस रेकॉर्डच्या आधारे केली जाईल. यामध्ये संगणक आधारित परीक्षा २०० गुणांची असेल. तसेच स्टेनोग्राफी स्किल टेस्टही २०० गुणांची असेल. याशिवाय सर्व्हिस रेकॉर्डसाठी १०० गुण दिले जातील; ज्यामध्ये वार्षिक कामगिरी मूल्यमापन अहवाल (APAR) इत्यादींच्या आधारे मूल्यमापन केले जाईल.
1. उमेदवारांनी ssc.gov.in या नवीन वेबसाइटवर ‘वन टाइम रजिस्ट्रेशन’ (OTR) पूर्ण करावे.
2. त्यानंतर लॉगिन करून विभाग आणि सेवेचा तपशील भरावा.
3. आता ‘लाइव्ह फोटो’ कॅप्चर करावा आणि आवश्यक कागदपत्रे अपलोड करावीत.
4. त्यानंतर फॉर्म सबमिट करून त्याची प्रिंट काढावी.
6. ही प्रिंट विभागीय प्रक्रियेनुसार एसएससी नॉर्दर्न रीजन कार्यालयाच्या पत्त्यावर पाठवावी.
Ans: संबंधित विभागांमध्ये आधीपासून कार्यरत असलेल्या स्टेनोग्राफर ग्रेड-डी कर्मचाऱ्यांसाठी ही विभागीय भरती असून, ६ केंद्रीय संवर्गांमध्ये एकूण ३२० पदे आहेत.
Ans: ऑनलाइन अर्ज करण्याची अंतिम तारीख ८ डिसेंबर २०२६ असून, विभागामार्फत अग्रेषित केलेली प्रिंटेड प्रत एसएससी नॉर्दर्न रीजन कार्यालयात २२ डिसेंबर २०२६ पर्यंत (विशेष भागांसाठी २९ डिसेंबरपर्यंत) पोहोचणे आवश्यक आहे.
Ans: २०० गुणांची संगणक आधारित परीक्षा, २०० गुणांची स्टेनोग्राफी स्किल टेस्ट आणि १०० गुणांचे सर्व्हिस रेकॉर्ड अशा निकषांवर उमेदवारांची निवड केली जाईल.