Career: शिक्षक होण्याचे स्वप्न पाहणाऱ्यांसाठी मोठी बातमी! CTET 2026 परीक्षेच्या तारखा जाहीर

Career: उमेदवारांनी प्रवेश पत्रावर नमूद केलेल्या परीक्षा केंद्राची माहिती काळजीपूर्वक तपासून त्यानुसार परीक्षेचे नियोजन करावे, असे आवाहन करण्यात आले आहे.

• सीटीईटी परिक्षा १२ अन् १३ डिसेंबर रोजी होणार
• परीक्षा केंद्राची माहिती दोन दिवस आधी मिळणार 
• परीक्षा शहर आणि तारीख १५ दिवस आधी जाहीर होणार

पुणे/Career: केंद्रीय शिक्षक पात्रता परीक्षा (सीटीईटी) ची २२वी आवृत्ती १२ आणि १३ डिसेंबर २०२६ रोजी घेण्यात येणार आहे. केंद्रीय माध्यमिक शिक्षण मंडळाकडून (सीबीएससी) परीक्षेच्या तारखांची अधिकृत घोषणा करण्यात आली आहे. प्रत्येक उमेदवाराला कोणत्या शहरात आणि कोणत्या दिवशी परीक्षा द्यावी लागणार आहे, याची माहिती परीक्षेच्या १५ दिवस आधी सीटीईटीच्या अधिकृत पोर्टलवर उपलब्ध करून देण्यात येणार आहे. उमेदवारांना ही माहिती पोर्टलवर जाऊन तपासता येईल.

दरम्यान, परीक्षेचे नेमके केंद्र कोणते असेल, याची माहिती असलेले प्रवेशपत्र परीक्षेच्या दोन दिवस आधी डाउनलोड करण्यासाठी उपलब्ध करून देण्यात येणार आहे. उमेदवारांनी प्रवेश पत्रावर नमूद केलेल्या परीक्षा केंद्राची माहिती काळजीपूर्वक तपासून त्यानुसार परीक्षेचे नियोजन करावे, असे आवाहन करण्यात आले आहे.

UPSC NDA 2 Exam 2026: ‘या’ विषयांच्या प्रश्नांनी उमेदवारांना फिरवले चक्रावून; जाणून घ्या पेपरचा संपूर्ण रिव्ह्यू

मुक्त विद्यापीठातून बी.कॉम, एमसीए आता ऑनलाइन शिका

यशवंतराव चव्हाण महाराष्ट्र मुक्त विद्यापीठाला बी.कॉम आणि एमसीए हे अभ्यासक्रम पूर्णपणे ऑनलाइन पद्धतीने राबविण्यास विद्यापीठ अनुदान आयोगाने (यूजीसी) मान्यता दिली आहे. त्यामुळे विद्यार्थ्यांना आता घरबसल्या हे पदवी व पदव्युत्तर शिक्षण घेता येणार आहे. विशेष म्हणजे या दोन्ही अभ्यासक्रमांच्या प्रवेश क्षमतेवर कोणतीही मर्यादा राहणार नसल्याने इच्छुक विद्यार्थ्यांना मोठी संधी उपलब्ध झाली आहे.

मुक्त विद्यापीठाचे कुलगुरू डॉ. संजीव सोनवणे यांनी ही माहिती दिली. विद्यापीठामार्फत यापूर्वीच बीसीए आणि एमबीए हे ऑनलाइन अभ्यासक्रम सुरू करण्यात आले आहेत. बी.कॉम आणि एमसीएला मान्यता मिळाल्याने ऑनलाइन शिक्षणाचा विस्तार आणखी वाढणार आहे. या अभ्यासक्रमांसाठी विद्यापीठाने गेल्या दोन वर्षांपासून तयारी केली आहे.

CBSE 10th Board Result: ‘बेस्ट ऑफ टू’ नियमामुळे १० वीच्या निकालात कसा झाला बदल? जाणून घेण्यासाठी एकदा वाचाच..

अभ्यासक्रमाच्या क्रेडिटनुसार व्हिडीओ व्याख्याने तयार करण्यात आली आहेत. प्रत्येक व्हिडीओ सात ते दहा मिनिटांचा असून, तो पूर्ण केल्यानंतर विद्यार्थ्यांना संबंधित प्रश्नावली सोडवावी लागणार आहे. त्यात उत्तीर्ण झाल्यानंतरच पुढील व्हिडीओ उपलब्ध होईल. प्रत्येक १०० विद्यार्थ्यांमागे एक मेंटॉर नियुक्त केला जाणार असून, व्हॉट्सअॅप आणि ई-मेलद्वारे विद्यार्थ्यांना मार्गदर्शन केले जाईल. परीक्षा ऑनलाइन प्रॉक्टर-बेस्ड पद्धतीने घेतल्या जाणार आहेत. प्रवेश प्रक्रिया लवकरच सुरू होण्याची शक्यता आहे.