पुणे पोलिस दलात खळबळ! रेल्वेतून १२ किलो गांजाची तस्करी, अंमलदार अटकेत

पुणे शहर पोलिस दलातील एका पोलिस अंमलदारास थेट गांजाची तस्करी करताना तेलंगाना राज्यात पकडण्यात आल्याने मोठी खळबळ उडाली आहे. त्याला तब्बल 12 किलो गांजा घेऊन जात असताना पकडण्यात आले आहे.

• पुणे पोलिस दलात खळबळ!
• रेल्वेतून १२ किलो गांजाची तस्करी
• तेलंगणात पोलीस अंमलदार अटकेत

पुणे : पुणे शहर पोलिस दलातील एका पोलिस अंमलदारास थेट गांजाची तस्करी करताना तेलंगाना राज्यात पकडण्यात आल्याने मोठी खळबळ उडाली आहे. त्याला तब्बल 12 किलो गांजा घेऊन जात असताना पकडण्यात आले आहे. रेल्वेने तो गांजाची तस्करी करीत होता. नितीन ज्ञानू शिंदे (वय ३३, रा. पुणे) असे पकडण्यात आलेल्या पोलिस अंमलदाराचे नाव आहे. याप्रकरणी तेलंगणा राज्यातील नेकुंडा पोलिस ठाण्यात एन डी पी एस कायद्यानुसार गुन्हा दाखल करण्यात आला आहे.

 

रविवारी याबाबतची माहिती तेलंगणा पोलिसांनी पुणे पोलिसांना कळवली. मिळालेल्या माहितीनुसार, नितीन शिंदे हे पुणे पोलीस दलातील कर्मचारी असून त्यांची नेमणूक वाहतूक शाखेमार्फत  विश्रामबाग वाहतूक विभागात होती. दरम्यान ते 8 ऑक्टोबर पासून वैद्यकीय रजेवर गेले होते. त्यानंतर रविवारी तेलंगणा पोलिसांकडून पुणे पोलिसांना नितीन शिंदे यांना रेल्वेतून 12 किलो गांजाची तस्करी करताना पकडण्यात आल्याची माहिती कळवण्यात आली. त्यानंतर हा प्रकार समोर आला आहे. नितीन शिंदे हे नेमके गांजा घेऊन कुठे येत होते किंवा त्यांच्यासोबत अन्य कोणी आहे का आणि इतर माहिती समजू शकलेली नाही मात्र पुढे पोलीस दलातील कर्मचारीच गांजाची तस्करी करत असल्याचे उघडकीस आल्याने पुण्यात मोठी खळबळ उडाली आहे.

हे सुद्धा वाचा : चिठ्ठीतून अश्लील मागणी, मोटारसायकलला आग; पीडितेच्या छळ प्रकरणी पिंपरी न्यायालयाचा मोठा निकाल

एमडी ड्रग्स विक्रीप्रकरणी पोलीस हवालदारालाच अटक! 

मिरा-भाईंदर शहरात अंमली पदार्थांच्या विक्रीविरोधात कारवाई सुरू असतानाच, पोलीस दलातील एका हवालदारालाच एमडी ड्रग्स विक्रीप्रकरणी अटक झाल्याने खळबळ उडाली आहे. पोलीस हवालदार प्रकाश पवार आणि त्यांचा कथित साथीदार अखिलेश कुमार यांच्याकडून एमडी ड्रग्स, रोख रक्कम, दुचाकी आणि मोबाईल फोन असा एकूण १ लाख ३२ हजार ५५० रुपयांचा मुद्देमाल जप्त करण्यात आल्याची माहिती आहे. पोलीस आयुक्त अनिकेत कौशिक यांनी मिरा-भाईंदर अंमली पदार्थमुक्त करण्याचा संकल्प व्यक्त केला असताना, पोलिसांच्याच कर्मचाऱ्यावर अंमली पदार्थ विक्रीचा आरोप झाल्याने या मोहिमेच्या प्रभावी अंमलबजावणीबाबत प्रश्न उपस्थित होत आहेत. मिरा-भाईंदर शहरात अंमली पदार्थांच्या विक्रीचा प्रश्न गंभीर बनलेला असताना, त्याविरोधात कारवाई करण्याची जबाबदारी असलेल्या पोलीस दलातील कर्मचाऱ्यावरच एमडी ड्रग्स विक्रीचा आरोप झाल्याने खळबळ उडाली आहे.