शुक्रवार, 2 ऑक्टोबर 2026
'अभिजीत जी, तुम्हाला माझे प्रेम समजले नाही...,' चिठ्ठी लिहून तरुणीची नदीत उडी मारून आत्महत्या
बिहारमधील मधुबनीमध्ये एका १८ वर्षीय तरुणीने नदीत उडी मारून आत्महत्या केली. आत्महत्या करण्यापूर्वी तरुणीने एक चिठ्ठी, मोबाईल फोन सोडला होता. पोलिसांनी दिलेल्या चिठ्ठीनुसार, प्राथमिक तपासात प्रेमप्रकरणातून ही आत्महत्या केल्याचे स्पष्ट झाले. दोन दिवसांनंतर मुलीचा मृतदेह सापडला असून आता पोलीस या प्रकरणाचा तपास करत आहेत. मुलीने चिठ्ठीमध्ये तिच्या प्रेमकथेसह आय लव्ह यू अभिजीत लिहिले आहे.
मधुबनीतील बिस्फी पोलीस स्टेशन हद्दीतील बाल्हा घाटावर असलेल्या धौन्स नदीत ही घटना घडली. शनिवारी (20 जुलै) रात्री बाल्हा घाटात एका मुलीने नदीत उडी मारली. ही तरुणी धजवा गावातील असून हे प्रकरण प्रेमप्रकरणाचे असल्याचे सांगण्यात येत आहे. मिळालेल्या माहितीनुसार, शनिवारी सायंकाळी ही तरुणी पुलाजवळ आली आणि काही वेळ शांतपणे पुलाच्या रेलिंगवर बसून राहिली. आजूबाजूच्या लोकांनी तिला पाहिले, पण काहीही विचारपूस केली नाही. अंधार पडल्यानंतर तरुणीने अचानक उडी मारली आणि वाहत्या पाण्यात पडली. यानंतर नागरिकांनी पोलिसांना आणि मुलीच्या कुटुंबीयांना याची माहिती दिली. घटनेची माहिती मिळताच पोलिसांचे पथक घटनास्थळी पोहोचले आणि शोध सुरू केला. नदीत भरपूर पाणी असल्याने ती सापडली नाही. सुमारे दोन दिवसांच्या शोधानंतर सोमवारी (22 जुलै) सकाळी मृतदेह बाहेर काढता आला.
अभिजीतजीं तुमच्यावर वेड्यासारखं प्रेम केलं. पण ते तुम्हाला समजले नाही. माझे प्रेम कधीचं समजले नाही. मी सर्व काही सोडून तुमच्याकडे आले, पण तुम्ही मला पुन्हा नाकारले. आजपर्यंत मी या आशेवर जगत होती की एक दिवस तुमचे हृदय विरघळेल आणि तुम्ही मला स्वीकाराल. जर एखाद्या मुलीने संपूर्ण जग जिंकले, पण तिच्या नवऱ्याचे मन जिंकले नाही, तर त्या मुलीचे अस्तित्व नाही.
अभिनित जी, मी तुम्हाला सांगितले होते की आपलं लग्न झाले नाही तर मी मरेन. गुडबाय अभिनीत जी. आता तुमची नंदनी तुझ्यापासून दूर जात आहे. स्वतःची काळजी घ्या आणि आनंदी रहा. अभिनित जी, तुमच्या हृदयात माझ्यासाठी फक्त चांगल्या आठवणी ठेवा. माझ्याकडून जी काही चूक झाली असेल त्याबद्दल मला क्षमा करा. माझे तुझ्यावर प्रेम आहे अभिजीत…
