स्वारगेट बलात्कारप्रकरणी मोठी अपडेट; विशेष सरकारी वकीलपदी अजय मिसार यांची नियुक्ती
पुणे : पुण्यातील स्वारगेट या गजबजलेल्या एसटी डेपोत शिवशाही बसमध्ये 26 वर्षीय तरुणीवर लैंगिक अत्याचार केल्याची घटना 25 फेब्रुवारीला घडली. तरुणीवर अत्याचार करून फरार झालेल्या आरोपी दत्ता गाडेला शिरूर तालुक्यातील गावातून पोलिसांनी शुक्रवारी मध्यरात्री अटक केली. या प्रकरणामुळे राज्यभरातून संताप व्यक्त केला जात होता. या प्रकरणात आरोपी दत्ता गाडेबाबत धक्कादायक खुलासे समोर येत आहेत. अशातचं आता स्वारगेट बलात्कार प्रकरणात विशेष सरकारी वकीलपदी ॲड. अजय सुहास मिसार यांची नियुक्ती करण्यात आली आहे.
स्वारगेट बलात्कार प्रकरणातील आरोपी दत्तात्रय गाडे याच्याविरुद्ध पुणे पोलिसांनी नुकतेच आराेपपत्र केले. स्वारगेट एसटी स्थानकाच्या आवारात प्रवासी तरणीवर बलात्कार करण्यात आल्याची घटना घडली होती. प्रवासी तरुणीवर बलात्कार करुन पसार झालेल्या दत्तात्रय गाडेला पुणे पोलिसांच्या गुन्हे शाखेने २८ फेब्रुवारी रोजी शिरूर तालुक्यातील गुनाट गावातून अटक केली. बलात्कार प्रकरणाच्या तपासात गाडेविरुद्ध भक्कम पुरावे संकलित करण्यात आले असून, विशेष न्यायालयात गाडेविरुद्ध नुकतेच आरोपपत्र दाखल केले.
स्वारगेट बलात्कार प्रकरणात अजय मिसार यांची विशेष सरकारीपदी नियु्क्ती करण्याची विनंती पोलिसांनी विधी विभागाकडे केली होती. याबाबत पोलीस आयुक्त अमितेश कुमार यांनी प्रस्ताव पाठविला होता. या प्रस्तावाला नुकतीच न्याय आणि विधी विभागाने मंजूरी दिली, अशी माहिती पोलीस आयुक्त अमितेश कुमार यांनी दिली. या खटल्याची सुनावणी लवकरात लवकर सुरू करण्याच्या दृष्टीने प्रयत्न करण्यात येत आहेत. मिसार मूळचे नाशिकचे आहेत. त्यांनी अनेक गंभीर गुन्हे, तसेच दहशतवाद विरोधी कारवायांच्या अनुषंगाने दाखल असलेल्या खटल्यात शासनाकडून बाजू मांडली आहे, असे त्यांनी नमूद केले.
.png "Videos"){kind=small}
