Bengal MBBS Student Rape Case: दुर्गापूर बलात्कार प्रकरणात पाचही आरोपी गजाआड; ममता सरकारवर भाजपचा संताप

मेडिकल कॉलेजमधील MBBS विद्यार्थिनीवर झालेल्या सामूहिक बलात्कार प्रकरणी पोलिसांनी दोन आणखी आरोपींना अटक केली असून, या प्रकरणात तक्रारीनुसार आता पाचही आरोपींना अटक करण्यात आली आहे.

• दुर्गापूर बलात्कार प्रकरणात पाचही आरोपी गजाआड
• ममता सरकारवर भाजपचा संताप
• सहा दिवसीय धरणे आंदोलन

दुर्गापूर (पश्चिम बंगाल): पश्चिम बंगालमधील पश्चिम बर्धमान जिल्ह्यातील दुर्गापूर येथील एका खासगी मेडिकल कॉलेजमधील MBBS विद्यार्थिनीवर झालेल्या सामूहिक बलात्कार प्रकरणी पोलिसांनी दोन आणखी आरोपींना अटक केली असून, या प्रकरणात तक्रारीनुसार आता पाचही आरोपींना अटक करण्यात आली आहे. या घटनेच्या वेळी पीडितेला सोडून पळून गेलेल्या तिच्या मैत्रिणीलाही पोलिसांनी ताब्यात घेतले असून त्याची चौकशी सुरू आहे.

काय आहे प्रकरण?

ओडिशातील बालासोर जिल्ह्यातील रहिवासी असलेल्या २३ वर्षीय विद्यार्थिनीवर शुक्रवारी रात्री कथित सामूहिक बलात्कार झाला होता. ती तिच्या एका मैत्रिणीसोबत खासगी मेडिकल कॉलेजच्या बाहेर जेवण करण्यासाठी गेली असताना ही घटना घडली. आसनसोल-दुर्गापूर पोलीस आयुक्तालयाचे उपायुक्त (DCP) अभिषेक गुप्ता यांनी या अटकांना दुजोरा दिला असून, तक्रारीनुसार सर्व ५ आरोपींना ताब्यात घेण्यात आल्याचे सांगितले आहे.

See more

News Alert ! Two more arrested in Durgapur rape case; all five accused now in custody: Bengal Police. pic.twitter.com/quyUOdwcf1 — Press Trust of India (@PTI_News) October 13, 2025

‘मुलींना रात्री बाहेर जाऊ देऊ नका’, सामूहिक बलात्कारावर ममता बॅनर्जींचे वादग्रस्त विधान; तर सरकारला….!

भाजपचे सहा दिवसीय धरणे आंदोलन

या घटनेच्या निषेधार्थ आणि राज्यात महिलांवरील वाढत्या अत्याचाराविरोधात मुख्य विरोधी पक्ष भारतीय जनता पक्षाने (BJP) ममता बॅनर्जी सरकारविरोधात मोठे पाऊल उचलले आहे. भाजपने पश्चिम बर्धमान जिल्ह्यातील दुर्गापूर येथे सहा दिवसीय धरणे आंदोलन सुरू केले आहे. विधानसभेतील विरोधी पक्षनेते शुभेंदू अधिकारी यांनी सिटी सेंटर परिसरात या आंदोलनाची सुरुवात केली. ते म्हणाले, “आम्ही ओडिशाच्या आमच्या बहिणीचे रक्षण करण्यात अपयशी ठरलो आणि या राज्याच्या मुख्यमंत्री महिलांना स्वतःचे रक्षण स्वतः करण्यास सांगत आहेत.”

तृणमूल कार्यकर्त्यावर आरोप

अटक करण्यात आलेल्या आरोपींपैकी एक जण तृणमूल काँग्रेसचा कार्यकर्ता असल्याचा आरोप शुभेंदू अधिकारी यांनी केला आहे. अधिकारी यांनी आंदोलनात अडथळे आणल्याबद्दल पोलिसांवर टीका केली आणि आंदोलन सहा दिवस सुरू राहील, असे स्पष्ट केले.

राजकीय वाद चिघळला

मुख्यमंत्री ममता बॅनर्जी यांनी रविवारी विद्यार्थिनींना त्यांच्या सुरक्षिततेबाबत अधिक काळजी घेण्याचा सल्ला दिल्यानंतर हा वाद आणखी वाढला. विरोधकांनी मुख्यमंत्र्यांवर ‘पीडितेलाच दोषी ठरवत असल्याचा’ आरोप केला आहे. न्याय मिळावा यासाठी इतर राजकीय पक्षांनीही आंदोलन केले असून, ज्या रुग्णालयात विद्यार्थिनीवर उपचार सुरू आहेत, तेथील डॉक्टरांनीही निषेध नोंदवला आहे.

Kerala crime: ‘RSS वाल्यांशी मैत्री करू नका’ अशी केली पोस्ट, नंतर IT सॉफ्टवेअर इंजीनिअरने संपवले जीवन; केरळ येथील घटना