माहेरून 10 लाख आणण्यासाठी छळ, पोलिस कर्मचाऱ्याने पत्नीचे कपडे फाडले; मुलीलाही घराबाहेर काढले
या प्रकरणात २९ वर्षीय पीडित विवाहीतेने फिर्याद दिली आहे. त्यानुसार, पीडितेचा १० मे २०२३ रोजी अंकुश भवर याच्याशी विवाह झाला. विवाहावेळी माहेरच्या मंडळींनी पाच लाख रुपये, सोन्याचे दागिने आणि संसारोपयोगी साहित्य दिले होते. सुरुवातीचे तीन महिने सासरच्यांनी चांगले वागवले. त्यानंतर पतीने चारित्र्यावर संशय घेऊन मारहाण सुरू केली. सासू सरस्वती भवर हिनेदेखील घरगुती कारणांवरून त्रास देण्यास सुरुवात केली. पती आणि सासूच्या त्रासामुळे अनेकदा माहेरी जावे लागत असे. दोन्ही कुटुंबांच्या बैठकीनंतर पुन्हा सासरी नांदण्यास जावे लागत होते.
कर्जाचा भार माहेरवर
दरम्यान, २७ डिसेंबर २०२४ रोजी पीडितेने मुलीला जन्म दिला. मुलगी झाल्यानंतर पती आणि सासू तिला घेण्यासाठी आले नाहीत. नातेवाइकांनी समजूत घातल्यानंतर चार महिन्यांनी पती तिला आणि मुलीला घरी घेऊन गेला. त्यानंतरही सासूचा हस्तक्षेप आणि पतीचे संशयी वर्तन सुरूच राहिले. पत्नीच्या आईने जेवणातून काहीतरी दिल्याने आपल्याला चक्कर येते, पोट दुखते, असा संशयही पती व्यक्त करीत असल्याचे तक्रारीत म्हटले आहे.
पतीने लग्नापूर्वी कर्ज घेतले होते. त्याची परतफेड होत नसल्याचे सांगत पती आणि सासूने १० लाख रुपये माहेरून आणण्यासाठी तगादा लावला. मात्र, वडील आठवडी बाजारात मसाले विकून उदरनिर्वाह करतात. लग्नातच त्यांनी पाच लाख रुपये दिले आहेत, आता एवढी मोठी रक्कम देणे शक्य नसल्याचे पीडितेने सांगितले. यानंतर पती आणि सासूकडून शारीरिक व मानसिक छळ वाढल्याचा आरोप आहे. जालना जिल्ह्यात राहणारे जेठ निवृत्ती भवर आणि जाऊ संगीता भवर हेही पती व सासूला फोन करून तिच्याविषयी चुकीची माहिती देत असल्याचे तिने फिर्यादीत नमूद केले आहे.
सासू-सासऱ्याला केली मारहाण
१२ सप्टेंबर २०२६ रोजी सायंकाळी घरगुती कारणावरून पती अंकुश याने पीडितेशी वाद घातला. शिवीगाळ करीत तिला मारहाण केली. अंगावरील कपडे फाडून दीड वर्षाच्या मुलीला तिच्याकडून हिसकावून घेतले आणि घराबाहेर काढले. रस्त्यावर उभी असताना एका महिलेच्या मोबाइलवरून तिने आई-वडिलांना बोलावून घेतले. यावेळी पतीने त्यांनाही शिवीगाळ व मारहाण केली. डोक्यात दगड मारून जखमी केले आणि जीवे मारण्याची धमकी दिल्याचेही फिर्यादीत नमुद आहे.
अखेर गुन्हा दाखल
या घटनेनंतर पीडितेने १२ सप्टेंबर रोजी सिडको पोलिस ठाण्यात पतीविरुद्ध अदखलपात्र गुन्हा नोंदविला. तेव्हापासून ती मुलीसह माहेरी राहत आहे. त्यानंतर त्यांनी सिडको पोलिस ठाणे गाढून दिलेल्या फिर्यादीवरुन गुन्हा दाखल करण्यात आला आहे. पुढील तपास हवालदार भिमराव शेवगे करित आहेत.
Ans: पती अंकुश भवर, सासू सरस्वती भवर, जेठ निवृत्ती भवर आणि जाऊ संगीता भवर यांनी १० लाख रुपये माहेरून आणण्यासाठी विवाहितेचा शारीरिक व मानसिक छळ केल्याचा आरोप आहे.
Ans: १२ सप्टेंबर २०२६ रोजी घरगुती कारणावरून पतीने वाद घालत तिला मारहाण केली. तिचे कपडे फाडून दीड वर्षाच्या मुलीला हिसकावून घेत घराबाहेर काढल्याचे फिर्यादीत म्हटले आहे.
Ans: पीडितेच्या फिर्यादीवरून सिडको पोलिस ठाण्यात पतीसह चौघांविरुद्ध गुन्हा दाखल करण्यात आला असून, पुढील तपास हवालदार भीमराव शेवगे करीत आहेत.
.png "Videos"){kind=small}
