पुणे हादरलं ! प्रियकराने प्रेयसीचा गळा आवळून केला खून, मृतदेह रिक्षात ठेवला अन्…

पुणे जिल्ह्यातून एक मोठी बातमी समोर आली आहे. प्रेयसीचा गळा आवळून मृतदेह तरुणीच्या आईच्या घरासमोर रिक्षात ठेवून प्रियकर फरार झाल्याची घटना पिंपरी- चिंचवडमधून समोर आली आहे. शिवानी सुपेकर असे हत्या झालेल्या तरुणीचे नाव आहे.

सौजन्य - सोशल मिडीया

Follow Us:

Follow Us:

पिंपरी : पुणे जिल्ह्यातून एक मोठी बातमी समोर आली आहे. प्रेयसीचा गळा आवळून मृतदेह तरुणीच्या आईच्या घरासमोर रिक्षात ठेवून प्रियकर फरार झाल्याची घटना पिंपरी- चिंचवडमधून समोर आली आहे. शिवानी सुपेकर असे हत्या झालेल्या तरुणीचे नाव आहे. शिवानी आणि संशयित प्रियकर विनायक आवळे गेल्या दोन वर्षांपासून लिव्ह इन रिलेशनशिपमध्ये राहत होते. ही घटना रात्री बारा ते पहाटे तीनच्या दरम्यान घडली आहे, अशी माहिती वाकड पोलिसांनी दिली.

पोलिसांनी दिलेल्या माहितीनुसार, हत्या झालेली शिवानी गेल्या एक- दोन वर्षांपासून विनायक आवळे सोबत लिव्ह इन रिलेशनशिप मध्ये राहत होती. मंगळवारी रात्री दोघांमध्ये किरकोळ वाद झाले. याच रागातून विनायकने शिवानीची गळा आवळून हत्या केली. मग, मृतदेह रिक्षात ठेवून तिच्या आईच्या घरासमोर रिक्षा लावली. बुधवारी सकाळी ही घटना उघडकीस आली आहे.

मृतदेह आईच्या घरासमोर रिक्षात ठेवला

शिवानीचा मृत्यू झाल्यानंतर विनायकने तिचा मृतदेह एका रिक्षामध्ये ठेवला. ती रिक्षा त्याने शिवानीच्या आईच्या घरासमोर पार्क केली. त्यानंतर तो घटनास्थळावरून फरार झाला आहे. सकाळी हा प्रकार उघडकीस आल्यानंतर ही घटना घडल्याचं समोर आलं आहे. या घटनेनंतर वाकड पोलिसांकडून फरार प्रियकराचा शोध घेतला जात आहे.

पिंपरी चिंचवडमध्ये गुन्हेगारी वाढली

गेल्या अनेक दिवसांपासून पिंपरी चिंचवडमध्ये गुन्हेगारीच्या घटनांमध्ये वाढ होताना दिसत आहे. ही घटना घडल्याने पिंपरी चिंचवडमध्ये पुन्हा एकदा खळबळ उडाल्याचे पाहायला मिळत आहे. खून, दरोडा, बलात्कार यासारखे प्रकार दिवसेंदिवस वाढत असल्याने अशा प्रकारची गुन्हेगारी रोखण्यासाठी पोलिसांसमोर एक आव्हान उभे राहिले आहे. या घटनेचा अधिक तपास वाकड पोलिसांकडून केला जात आहे.

Web Title: Boyfriend assassinated girlfriend by strangulation kept body in rickshaw and absconded nrdm

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com