Chhattisgarh Crime: दिवाणजीचे अपहरण, मदतीला गेलेल्या कंत्राटदाराची नक्षलवाद्यांकडून गळा चिरून हत्या

छत्तीसगडमध्ये नक्षलवाद्यांनी दिवाणजीचे अपहरण केले. त्यांना वाचवण्यासाठी गेलेल्या कंत्राटदारावर नक्षलवाद्यांनी हल्ला करून त्याचा गळा चिरून खून केला. परिसरात भीतीचं वातावरण, पोलिसांनी तपास सुरू केला.

• छत्तीसगडमध्ये नक्षलवाद्यांकडून दिवाणजीचे अपहरण.
• वाचवण्यासाठी गेलेल्या कंत्राटदाराची गळा चिरून हत्या.
• परिसरात भीतीचे वातावरण; पोलिस तपास सुरू.

छत्तीसगड: छत्तीसगड मधून एक धक्कादायक घटना समोर आली आहे. नक्षलवाद्यांनी कंत्राटदाराची गळा चिरून हत्या केल्याचे समोर आले आहे. कंत्राटदाराच्या दिवाणजीचे नक्षलवाद्यांनी अपहरण केले होते, त्याला वाचवण्यासाठी प्रयत्न केल्याने नक्षलवाद्यांनी कंत्राटदाराची निर्घृण हत्या केली. मृतक रस्ते बांधकाम कंत्राटदाराचे नाव इम्तियाज अली असे आहे. हा मूळचा उत्तरप्रदेशचा रहिवासी आहे. पामेड पोलीस स्टेशन परिसरात घडलेल्या घटनेने सर्वत्र खळबळ उडाली आहे.

काय घडलं नेमकं?

समोर आलेल्या माहितीनुसार, इम्तियाज अली हा बऱ्याच काळापासून नारायणपूर जिल्ह्यातील धौराई परिसरात राहत होता. नक्षलवाद्यांनी प्रथम जेसीबी मशीनच्या दिवाणजीचे अपहरण केले. अपहरणाची बातमी मिळताच कंत्राटदार इम्तियाज अली घटनास्थळी पोहोचला. दिवाणजीला वाचवण्याचा प्रयत्न करत असताना त्याला पकडण्यात आले. नक्षलवाद्यांनी त्याचा गळा चिरून वाटेतच त्याची हत्या केली. घटनेनंतर नक्षलवाद्यांनी जेसीबी मशीनच्या दिवाणजीला सोडून दिले.

त्यांनतर दिवाणजीने कंत्राटदाराच्या कुटुंबाला याची माहिती दिली. कुटुंबाने पामेड पोलिसांना माहिती दिली. माहिती मिळताच पामेड पोलिसांचे पथक हत्येच्या ठिकाणी रवाना झाले असून परिसरात शोध मोहीम सुरु आहे. विजापूरचे एसपी जितेंद्र यादव यांनी सांगितले की, नक्षलवाद्यांनी लिपिकाला सोडून दिले, ज्याने संपूर्ण घटना पोलिसांना आणि कुटुंबाला सांगितली.

पोलिसांनी दिवाणजींच्या जबाबाच्या आधारे पोलिसांनी घटनेचे संभाव्य ठिकाण ओळखले आहे. रस्ते बांधकामाला नक्षलवाद्यांनी विरोध दर्शविला होता म्हणून हे कृत्य करण्यात आले असल्याची माहिती प्राप्त झाली आहे. याप्रकरणी पोलीस पुढील तपास करत आहे.

मुख्याध्यापकाकडून होणाऱ्या लैंगिक आणि मानसिक छळाला कंटाळली, अल्पवयीन लायब्ररीत गेली आणि..

छत्तीसगडमधील जशपूर जिल्ह्यात घडलेली ही धक्कादायक घटना संपूर्ण परिसराला हादरवून गेली आहे. एका खासगी शाळेतील अल्पवयीन विद्यार्थिनीने शाळेच्या अभ्यासिकेत गळफास घेऊन आत्महत्या केली. या आत्महत्येमागील कारण अधिकच संतापजनक आहे—मुख्याध्यापकाकडून होत असलेला सततचा लैंगिक छळ, छेडछाड आणि मानसिक त्रास. विद्यार्थिनीने आत्महत्या करण्यापूर्वी सुसाईड नोट लिहून ठेवली होती, ज्यामुळे या प्रकरणाची गंभीरता अधिक वाढली आहे.

सुसाईड नोटमध्ये काय नमूद होते?

• सुसाईड नोटमध्ये विद्यार्थिनीने मुख्याध्यापकावर गंभीर आरोप केले आहेत.
• मुख्याध्यापक वारंवार लैंगिक छळ करत होते,
• छेडछाड आणि अनुचित वर्तन करत होते,
• तसेच तिला मानसिक त्रास देत होते,