तासवडे एमआयडीसी येथे 6 कोटींचे कोकेन जप्त; तळबीड पोलिसांची धडक कारवाई

तळबीड पोलीस प्लॉट नंबर बी. ५६ येथे पेट्रोलिंग करत असताना सुरक्षितता व नियमावलीनुसार कामकाज होत नसल्याबाबत माहिती मिळाली.

सातारा : तासवडे (ता.कराड) एमआयडीसीतील शेतीचे खते बनवण्याचा बहाणा करणाऱ्या सुर्यप्रभा फॉर्मकेन कंपनीतून ६ कोटी ३५ लाखांचे कोकेन तळबीड पोलिसांनी जप्त केले. शुक्रवारी (दि.२३) हा प्रकार उघडकीस आली असून, कमालीची गोपनीयता पाळून तळबीड पोलीसांनी १२७० ग्रॅम कोकेन जप्त केले. यामध्ये पाच जणांवर गुन्हा दाखल केला आहे.

तासवडे एमआयडीसीतील बी-५६ ब्लॉकमध्ये ही कंपनी असून, येथे विक्रीच्या दृष्टीने कोकेन बाळगल्याचे पोलिसांनी सांगितले. या कारवाईने तासवडे एमआयडीसीतील काळे धंदे चव्हाट्यावर आले आहे. तासवडे एमआयडीसी येथील बुधवारी (दि.२१) सायंकाळी सव्वा चारच्या सुमारास तासवडे हद्दीत अमरसिंरा. नांदगाव ता.सातारा) यांच्या मालकीच्या एका कंपनीत ६ कोटी ३५ लाखांचे १२७० ग्रॅम कोह जयवंत देशमुख कोकेन विक्री करण्याचे उद्देशाने बेकायदेशीररित्या कंपनीत मिळून आले. कंपनी मालक अमरसिंह देशमुख (वृदांवन सिटी, मलकापूर, कराड) रमेश शंकर पाटील (रा. मल्हारपेठ ता. पाटण), जीवन चंद्रकांत चव्हाण (रा. आवार्डे ता. पाटण), विश्वनाथ शिपणकर (रा. दौंड, पुणे) यांच्याविरुद्ध गुन्हा दाखल करण्यात आला आहे.

पोलिसांनी सांगितले की, तळबीड पोलीस प्लॉट नंबर बी. ५६ येथे पेट्रोलिंग करत असताना सुरक्षितता व नियमावलीनुसार कामकाज होत नसल्याबाबत माहिती मिळाली. संशय बळावल्याने तळबीड पोलीस ठाण्याचे किरण भोसले यांनी पथकासह बी ५६ मधील सूर्यप्रभा कंपनीत काहीतरी संशयास्पद केमिकल होत असल्याची पाहणी केली. तेथील संशयित पदार्थ ताब्यात घेतला. सदर कंपनीत शेतीसाठी लागणारे औषधे तयार केले जातात, असे सांगितले जाते होते. त्यानंतर सहाय्यक पोलीस किरण भोसले यांनी पथकासमवेत कंपनीत जाऊन तपासणी व पंचनामा केला असता तेथे फिनिक्स ऍसिटिक ऍसिड असल्याचे सांगण्यात आले.

पोलिसांनी विचारणा केली असता…

कपाटात प्लास्टिकच्या चार पिशव्याची पाहणी केली असता त्यामध्ये स्फटिकसारखा पदार्थ आढळून आला. या संदर्भात पोलिसांनी विचारणा केल्या असता त्यांनी उडवाउडवीची उत्तर दिली. या कपाटात पांढरा पिवळसर रंगाचा स्पटिकसारखा पदार्थ आढळून आल्याने पोलीसांनी ताब्यात घेतले. तेव्हा चौकशी केली असता ते कोकेन असल्याचे प्राथमिक तपासात निष्पन्न झाले आहे. त्याचे वजन १३७० ग्रॅम असून, सदरचे कोकेन सहा कोटी ३५ लाखाचे असल्याचे पोलिसांनी सांगितले. पोलिसांकडून पुढील कारवाई सुरू आहे.