शनिवारी (२२ नोव्हेंबर) रात्री गौरी पालवे यांनी आत्महत्या केल्याची प्राथमिक माहिती आहे. महत्त्वाची बाब म्हणजे केवळ काही महिन्यांपूर्वीच म्हणजे फेब्रुवारी महिन्यात दोघांचा विवाह झाला होता. या लग्नाला स्वतः पंकजा मुंडेही उपस्थित होत्या. वरळीतील राहत्या घरी अनंत गर्जेंच्या पत्नीने गळफास घेऊन आत्महत्या केली. रात्री उशीरा ही घटना घडल्याचे पोलिसांनी सांगितले. घटनेनंतर पंकजा मुंडे यांनी आपले बीडमधील सर्व कार्यक्रम तत्काळ रद्द केले असल्याची माहिती मिळाली आहे.
मृतदेह रुग्णालयात हलवण्यात आला असून त्यावर पोस्टमार्टम करण्यात येणार आहे. पोस्टमार्टम अहवालातूनच आत्महत्येचे अचूक कारण स्पष्ट होईल, अशी माहिती सूत्रांकडून मिळत आहे. दरम्यान, वरळी पोलिसांनी या प्रकरणी अपमृत्यूची नोंद करून अधिक तपास सुरू केला आहे. विवाहाला अवघे १० महिने होत असताना तरुण पत्नीने टोकाचे पाऊल उचलल्याने परिसरात हळहळ व्यक्त होत आहे.
BJP National President: वय, कामगिरी आणि रणनीती; धर्मेंद्र प्रधान होणार भाजपचे पुढचे अध्यक्ष?
भाजप नेत्या पंकजा मुंडे यांच्या स्वीय सहाय्यक अनंत गर्जे आणि डॉक्टर गौरी पालवे यांचा विवाह यंदाच्या ७ फेब्रुवारीला मोठ्या थाटामाटात झाला होता. या लग्नाला पंकजा मुंडे तसेच त्यांची बहीण प्रीतम मुंडेही उपस्थित होत्या. अवघ्या दहा महिन्यांच्या संसारानंतर गौरी यांनी गळफास घेऊन आत्महत्या केल्याची घटना गुरुवारी रात्री उघडकीस आली असून परिसरात आणि राजकीय वर्तुळात मोठी खळबळ उडाली आहे.
घटनेनंतर नेमके काय घडले, गौरी यांनी असे टोकाचे पाऊल का उचलले, याबाबत विविध चर्चांना उधाण आले आहे. कुटुंबीयांनी केलेल्या प्राथमिक आरोपांनुसार, अनंत गर्जे यांचे ‘अफेअर’ असल्याने गौरी मानसिकदृष्ट्या अस्वस्थ होती. तिच्या सासरच्या मंडळींकडून तिच्यावर छळ होत होता, असा आरोपही गौरीच्या कुटुंबीयांनी केला आहे.
दरम्यान, वरळी पोलिसांनी घटनास्थळी भेट देऊन मृतदेह ताब्यात घेतला असून तो शवविच्छेदनासाठी केईएम रुग्णालयात पाठवला आहे. कुटुंबीयांची चौकशी सुरू असून अपमृत्यूची नोंद करून पुढील तपास सुरु आहे. अवघ्या दहा महिन्यांच्या वैवाहिक आयुष्यातच तरुण डॉक्टरने आपले जीवन संपवल्याने सर्वत्र हळहळ व्यक्त केली जात आहे.
.png "Videos"){kind=small}
