Ashok Kharat Nashik Crime News:
Ashok Kharat Nashik Crime News: नाशिकमधील स्वयंघोषित ज्योतिषी अशोक खरात (Ashok Kharat) प्रकरणाने संपूर्ण राज्यात खळबळ उडाली आहे. या प्रकरणाचा तपास जसजसा पुढे जात आहे, तसतसे यात आणखी उलगडे होताना दिसत आहेत. आरोपी अशोक खरात याला न्यायालयाने २४ मार्चपर्यंत पोलीस कोठडी सुनावली आहे. तपास यंत्रणादेखील प्रकरणाचा सखोल तपास करत आहेत. दरम्यान, नाशिकमधील या विकृताशी असलेले संबंध उघडकीस आल्यामुळे राज्य महिला आयोगाच्या अध्यक्षा रुपाली चाकणकर यांनी पदाचा राजीनामा दिला आहे. विरोधकांच्या दबावानंतर मुख्यमंत्री देवेंद्र फडणवीस आणि उपमुख्यमंत्री सुनेत्रा पवार यांची भेट घेतल्यानंतर चाकणकर यांनी पदाचा राजीनामा दिला.
अशातच या प्रकरणात आणखी एका व्यक्तीचे नाव पुढे आले आहे. मंत्री दिपक केसरकर यांचे निकटवर्तीयाचेही नाव समोर आले आहे. दिपक केसरकर यांचे निकटवर्तीय दीपक लोंढे यांचे नाव समोर आले आहे. विशेष तपास पथकांनी दीपक लोंढे यांची चौकशी सुरू केली आहे. लोंढे आणि अशोक खरात यांच्यात काही ठिकाणी व्यवसायिक संबंध असल्याचा संशय तपास यंत्रणांकडून व्यक्त केला जात आहे. नाशिकच्या सिन्नरमध्ये दीपक लोंढे आणि अशोक खरात यांच्यात जमीन खरेदी-विक्रीच्या व्यवहारांत लोंढे सक्रीय असल्याचा संशय आहे.
स्वयंघोषित अशोक खरातवर नाशिकमध्ये बलात्काराचा गुन्हा दाखल झाल्यानंतर, आता विशेष तपास पथकाने (SIT) आपला मोर्चा त्याच्या व्यावसायिक आणि राजकीय संबंधांकडे वळवला आहे. या प्रकरणाचा तपास करत असताना खरातचा निकटवर्तीय दीपक लोंढे याची सखोल चौकशी करण्यात आली असून, त्याच्या आर्थिक व्यवहारांची माहिती गोळा केली आहे. या माहितीच्या आधारे पोलीस आता खरातच्या संभाव्य राजकीय आणि व्यावसायिक भागीदारांपर्यंत पोहोचण्याचा प्रयत्न करत आहेत.
तपासादरम्यान एक महत्त्वाची बाब समोर आली आहे. खरात अध्यक्ष असलेल्या मिरगाव येथील ‘श्री शिवनिका संस्थान’साठी ३१ जुलै २०२० रोजी, म्हणजेच महाविकास आघाडी सरकारच्या काळात, दारणा धरणातून पाणी आरक्षित करण्याचा शासन निर्णय घेण्यात आला होता. गोदावरी उजव्या तट कालव्यातून पाणीपुरवठ्यास ही मंजुरी देण्यात आली होती. या निर्णयामुळे मंत्रालयातील अधिकारी आणि तत्कालीन सरकारमध्ये खरातचा किती दबदबा होता, याबाबत आता प्रश्नचिन्ह उपस्थित केले जात आहे.
Captain Ashok Kharat च्या साम्राज्यावर हातोडा; बंगल्यातून सहा लाख अन् मीरगाव येथून पिस्तूल हस्तगत
अशोक खरात याच्यावर एका ३५ वर्षीय महिलेने गुंगीचे औषध देऊन लैंगिक अत्याचार केल्याचा आरोप केला आहे. या तक्रारीनंतर नाशिकच्या सरकारवाडा पोलिसांनी १८ मार्च रोजी पहाटे त्याला ताब्यात घेतले. अनेक बडे नेते, सेलिब्रिटी आणि उद्योजक खरातकडे मार्गदर्शनासाठी जात असल्याने, त्याच्या अटकेमुळे राजकीय आणि सामाजिक वर्तुळात मोठी खळबळ उडाली आहे.
.png "Videos"){kind=small}
