हॉटेलच्या बेडवर ४० वर्षीय पुरूषाचा मृतावस्थेत आढळला, तर २६ वर्षीय प्रेयसी फरार; नेमकं प्रकरण काय? (फोटो सौजन्य-X)
Delhi Crime : मध्य दिल्लीतील आराक्ष रोडवरील नबी करीम परिसरातील एका हॉटेलमध्ये एका पुरुषाचा संशयास्पद परिस्थितीत मृत्यू झाला. तो त्याच्या २६ वर्षीय प्रेयसीसोबत हॉटेलमध्ये पोहोचला होता. जिथे त्याने रात्री ९ वाजेपर्यंत रूम बुक केली होती. त्याची ओळख ४० वर्षीय सचिन सागर अशी झाली आहे. तो रोशनरा रोड सब्जी मंडी परिसरात त्याच्या कुटुंबासह राहत होता. सचिन हा एक व्यापारी असल्याचे पोलिसांचे म्हणणे आहे. त्याच्या खोलीत शारीरक संबंध वाढवणारी औषधे सापडली आहेत. ज्याचा सील उघडा होता. पोलिसांनी सांगितले की, प्राथमिक तपासात सचिनचा मृत्यू लैंगिक उत्तेजन वाढवणाऱ्या औषधांच्या जास्त सेवनामुळे झाल्याचे उघड झाले आहे.
मध्य जिल्ह्याचे अतिरिक्त पोलिस उपायुक्त यांनी सांगितले की, ही घटना बुधवारी घडली. हॉटेल कर्मचाऱ्यांनी पोलिसांना माहिती दिली की, एक ४० वर्षीय पुरूष बुधवारी दुपारी १२:१५ वाजता त्याच्या २६ वर्षीय मैत्रिणीसोबत हॉटेलमध्ये आला. येथे त्या तरुणाने रात्री ९ वाजेपर्यंत त्याच्या आयडीवरून खोली बुक केली. त्यानंतर दोघेही खोलीत गेले. हॉटेल कर्मचाऱ्यांचे म्हणणे आहे की, सचिनची मैत्रीण संध्याकाळी ५ वाजता काही सामान घेण्यासाठी हॉटेलमधून बाहेर पडली होती. नंतर ती परत आली नाही. यानंतर हॉटेल कर्मचारी रात्री ९ वाजता सचिनच्या खोलीत पोहोचले. जिथे सचिन ब्लँकेटने झाकलेला होता. फोन केल्यावरही शरीरात कोणतीही हालचाल झाली नाही, तेव्हा हॉटेल कर्मचाऱ्यांना त्याची नाडी चेक केली, त्यानंतर कर्मचाऱ्यालाही लक्षात आले की, सचिनचा मृत्यू झाला आहे.
याप्रकरणी मध्य जिल्ह्याचे अतिरिक्त पोलिस उपायुक्त यांनी सांगितले की, हॉटेल कर्मचाऱ्यांच्या मते रात्री ९:३० वाजता निर्धारित वेळ संपली आणि सचिन बाहेर आला नाही तेव्हा हॉटेल कर्मचाऱ्यांनी दरवाजा ठोठावला. कोणताही प्रतिसाद न मिळाल्याने कर्मचाऱ्यांना खोलीची कडी आतून उघडी असल्याचे दिसले. जेव्हा ते आत पोहोचले तेव्हा सचिन बेडवर ब्लँकेटने झाकलेला आढळला. कर्मचाऱ्यांनी त्याला उठवण्याचा प्रयत्न केला, परंतु कोणतीही हालचाल झाली नाही. त्याची नाडी तपासल्यानंतर त्याचा मृत्यू झाल्याची पुष्टी झाली.
मध्य जिल्हा पोलिसांचे म्हणणे आहे की,या प्रकरणाचे गांभीर्य लक्षात घेता हॉटेलचे सीसीटीव्ही फुटेज स्कॅन करण्यात आले आहे. याशिवाय हॉटेल कर्मचाऱ्यांचीही चौकशी केली जात आहे. पोलिसांचे म्हणणे आहे की ही आत्महत्या, अपघात किंवा गुन्हेगारी कट आहे. याबद्दल काहीही सांगणे अद्याप लवकर आहे. दुसरीकडे, या घटनेनंतर स्थानिक लोक आणि हॉटेल कर्मचाऱ्यांमध्ये दहशतीचे वातावरण आहे. हॉटेलमध्ये अशा हालचालींवर लक्ष का ठेवले गेले नाही असा प्रश्नही उपस्थित केला जात आहे. पोलिस हॉटेलची भूमिका देखील तपासत आहेत.
हॉटेल व्यवस्थापनाच्या माहितीवरून घटनास्थळी पोहोचलेल्या पोलिसांना खोलीत लैंगिक उत्तेजन देणारी औषधे आढळली. अधिकाऱ्यांनी संशय व्यक्त केला आहे की या औषधांच्या अतिसेवनामुळे त्याचा मृत्यू झाला असावा. तसेच पोस्टमॉर्टेम रिपोर्टनंतरच मृत्यूचे नेमके कारण कळेल असे पोलिसांचे म्हणणे आहे. यासोबतच सचिनसोबत आलेल्या त्याच्या मैत्रिणीचीही ओळख पटली आहे. पोलिस तिच्याशी संपर्क साधण्याचा प्रयत्न करत आहेत. जेणेकरून घटनेची संपूर्ण माहिती मिळू शकेल. सध्या, महिला हॉटेलमधून बाहेर पडल्यानंतर सचिनने काय खाल्ले किंवा त्याने इतर कोणतेही औषध घेतले का याचाही तपास पोलीस करत आहेत.
.png "Videos"){kind=small}
