Dhule Crime: धक्कादायक! गर्भपाताच्या गोळ्यांचा अतिरेक; अविवाहित 18 वर्षीय तरुणीचा मृत्यू

धुळे जिल्ह्यात 18 वर्षीय तरुणीने गर्भपातासाठी अधिक प्रमाणात गोळ्या घेतल्याने तिचा मृत्यू झाला. ती 6 महिन्यांची गरोदर होती. प्रकृती बिघडल्याने ICU मध्ये उपचार सुरू असताना तिचा मृत्यू झाला. पोलिस तपास सुरू.

• 18 वर्षीय तरुणी 6 महिन्यांची गरोदर होती
• गर्भपातासाठी घेतलेल्या गोळ्यांचा अतिरेक जीवघेणा ठरला
• मोहाडी पोलिसांकडून अकस्मात मृत्यूची नोंद, तपास सुरू

धुळे: धुळे जिल्ह्यातून एक धक्कादायक घटना समोर आली आहे. एका अविवाहित तरुणीने गर्भपाताच्या अधिक गोळ्यांचे सेवन केल्याने तिचा मृत्यू झाल्याचे समोर आले आहे. मृत तरुणी हि १८ वर्षांची असून ती सहा महिन्यांची गरोदर होती. अधिक प्रमाणात औषधांची तिचा रक्तदाब कमी होऊन झटके येऊ लागले. तिला रुग्णालयात दाखल करण्यात आले मात्र अतिदक्षता विभागात तिच्यावर उपचार सुरु असताना तिचा मृत्यू झाला. या घटनेने मोहाडी पोलिसात अकस्मात मृत्यूची नोंद करण्यात आली आहे.

काय घडलं नेमकं?

मृत १८ वर्षीय तरुणीला प्रकृती खालावल्यामुळे देवपुरातील एका खासगी रुग्णालयात तातडीने दाखल करण्यात आले होते. डॉक्टरांनी तपासणी केली असता, ती तरुणी २४ आठवड्यांची (६ महिने) गरोदर असल्याचे निष्पन्न झाले. गरोदरपणा लपवण्यासाठी किंवा गर्भपात करण्यासाठी तिने काही औषधांचे सेवन केले होते, अशी माहिती डॉक्टरांनी तिच्या कुटुंबीयांना दिली.

Sangli Crime: आंतरजातीय विवाहाचा भयानक शेवट! चारित्र्य संशयातून पतीने 20 वर्षीय पत्नीची लोखंडी रॉडने हत्या

उपचारादरम्यान मृत्यू

गर्भपाताच्या गोळ्यांचे प्रमाण अधिक झाल्यामुळे तरुणीचा रक्तदाब वेगाने कमी झाला आणि तिला झटके येऊ लागले. तिची प्रकृती चिंताजनक झाल्याने डॉक्टरांच्या सल्ल्यानुसार तिला तातडीने हिरे शासकीय रुग्णालयात हलवण्यात आले. तेथील अतिदक्षता विभागात (ICU) तिच्यावर उपचार सुरू होते, मात्र उपचारांना प्रतिसाद न मिळाल्याने तिचा मृत्यू झाला.

मोहाडी पोलिसांत नोंद

या घटनेची माहिती मिळताच मोहाडी पोलिसांनी रुग्णालयात धाव घेतली. पोलिसांनी या प्रकरणी सध्या अकस्मात मृत्यूची नोंद केली आहे. पोलीस या घटनेचा सखोल तपास करत आहे. इतक्या मोठ्या कालावधीचा गर्भ पाडण्यासाठी तिला गोळ्या कोणी दिल्या? आणि तिच्या गर्भात असलेला मूल नेमका कोणाचा? अश्या सगळ्या प्रश्नांचा तपास पोलीस करत आहे.

पिंपळनेरमध्ये पतीचा पत्नीवर जीवघेणा हल्ला; धारदार शस्त्राने वार, आरोपी फरार

धुळे येथून हत्येची एक धक्कादायक घटना समोर आली आहे. घरगुती वादातून पतीनेच त्याच्या पत्नीवर धारदार शस्त्राने हल्ला केल्याचे समोर आले आहे. यात पत्नीचा गंभीर जखमी झाली. तिच्यावर धुळे येथील शासकीय रुग्णालयात उपचार सुरु आहेत. आरोपीचे नाव गोरख महाले असे आहे. तर पीडितेच्या नाव यशोदा असे आहे. ही घटना पिंपळनेर शहराच्या परिसरात घडली.

घरगुती वादातून हॉटेल मालकाची निर्घृण हत्या; लोखंडी पाईप डोक्यात घातला अन्…