crime (फोटो सौजन्य: SOCIAL MEDIA )
मिरज: सांगली जिल्ह्यातील मिरज येथे पोलिसांनी मोठी कारवाई केली आहे. तब्बल एक कोटी रुपयांच्या बनावट नोटा जप्त केल्या आहे. महत्वाचं म्हणजे या प्रकरणात कोल्हापूर दलातील एका हवालदाराच्या सहभाग आहे. पोलिसांनी हवालदारसह पाच जणांना अटक करण्यात आली आहे. आरोपींकडून ५०० आणि २०० रुपयांच्या बनावट नोटा, कलर झेरॉक्स मशीन, स्कॅनर-प्रिंटर आणि एक वाहन असा एकूण १ कोटी ११ लाख रुपयांचा ऐवज जप्त करण्यात आला असल्याची माहिती पोलिस अधीक्षक संदीप घुगे यांनी दिली.
कशी केली कारवाई ?
मिरज-पंढरपूर रस्त्यावरील नीलजी बामणी पुलाखाली बनावट नोटांची विक्री सुरू असल्याची गोपनीय माहिती पोलिसांना मिळाली. त्यानंतर पोलिसांच्या पथकाने ठिकाणी सापळा रचत छापा टाकला आणि सुप्रीत काडापा देसाई या आरोपीस ४२ हजार रुपयांच्या बनावट नोटांसह ताब्यात घेतले. प्राथमिक चौकशीत आरोपीने सांगितले की, या बनावट नोटांची छपाई कलर झेरॉक्स मशीनवर करण्यात येत होती. या प्रकारात आणखी काही जण सहभागी असल्याची शक्यता पोलिसांनी व्यक्त केली असून, या साखळीचा उलगडा करण्यासाठी पुढील तपास सुरू आहे.
तपास सुरु
पोलिसांच्या तपासात उघड झाले की या बनावट नोटांची छपाई कोल्हापूर शहरातील पोलीस हवालदाराच्या चहाच्या दुकानात केली जात होती. हे दुकानच नोटा तयार करण्याचे अड्डे म्हणून वापरले जात असल्याचे स्पष्ट झाले आहे. हे दुकानच बनावट नोटा कुठे कुठे फिरवल्या गेल्या आणि या टोळीचा अजून कोणाशी संबंध आहे याचा तपास सुरु आहे. पाचशे रुपयांच्या खऱ्या नोटेच्या बदल्यात तीन बनावट नोटा देण्यात येत होत्या. प्रकरण उघडकीस आणणाऱ्या पोलिसांना पारितोषिक देण्यात येणार असल्याचे पोलिस अधीक्षक घुगे यांनी सांगितले आहे.
आरोपींना पोलिस कोठडी
मुख्य सूत्रधार असलेले पोलिस हवालदार इब्रार आदम इनामदार (४४, रा. कसबा बावडा) हे पोलिस दलात वाहनचालक म्हणून कार्यरत आहे, सुप्रीत काडापा देसाई (रा. गडहिंग्लज), राहुल राजाराम जाधव (३३, कोरोची), नरेंद्र जगन्नाथ शिंदे (४०, टाकाळा), सिद्धेश जगदीश म्हात्रे (३८, रा. मालाड पूर्व, मुंबई) अशी याप्रकरणी अटक केलेल्यांची नावे आहेत. न्यायालयाने सर्वांना १३ ऑक्टोबरपर्यंत पोलिस कोठडी सुनावली आहे.या कारवाईमुळे कोल्हापूर आणि सांगली जिल्यातील गुन्हेगाराची वर्तुळात मोठी खळबळ उडाली आहे. पोलीस दलातीलच एका कर्मचाऱ्याचा यात सहभाग उघड झाल्याने या प्रकरणाची चर्चा होतांना दिसत आहे.
अवघ्या 1230 रुपयांच्या बिलासाठी हॉटेलचालकाला तिघांची बेदम मारहाण; एकाने तर हातातील कड्याने…
.png "Videos"){kind=small}
