Husband Murder News: “दारू पाजली अन् दोरीने गळा आवळला…” अपघाताचा बनाव रचणाऱ्या कातील पत्नीसह दोन्ही प्रियकरांना बेड्या!

Husband Murder News: तेलंगणातील कामारेड्डी जिल्ह्यातून एक धक्कादायक घटना उघडकीस आली आहे. एका २५ वर्षीय महिलेने आपल्या दोन प्रियकरांच्या मदतीने पतीला दारू पाजून नायलॉनच्या दोरीने त्याचा गळा आवळून हत्या केली. मृतदेह तलावात फेकून अपघाताचा बनाव रचला होता, परंतु पोलिसांच्या सतर्कतेने हा बनाव उघडा पाडला.

• २५ वर्षीय सविताने दोन प्रियकरांच्या मदतीने पतीचा गळा आवळून  केला खून
• पतीला दारू पाजून गळा आवळला अन् मृतदेह तलावात
• पोलिसांनी हत्येचा उलगडा करत पत्नीसह दोन्ही प्रियकरांना अटक

Husband Murder News: अनैतिक संबंध आणि त्यातून निर्माण झालेल्या क्रूरतेची एक अत्यंत धक्कादायक घटना तेलंगणातील कामारेड्डी जिल्ह्यातून समोर आली आहे. एका २५ वर्षीय विवाहितेने आपल्या दोन प्रियकरांच्या साहाय्याने स्वतःच्या पतीचा निर्घृण खून केला. हत्येनंतर हा प्रकार अपघात किंवा बुडून झालेला मृत्यू वाटावा यासाठी मृतदेह गावाजवळील तलावात फेकून दिला होता. मात्र, पोलिसांच्या तांत्रिक तपास आणि चाणाक्ष रणनीतीपुढे आरोपींचा बनाव फार काळ टिकू शकला नाही. पोलिसांनी तत्परता दाखवत पत्नीसह तिच्या दोन्ही प्रियकरांना गंडात घेतले आहे.

हेही वाचा: Woman Harassment News: “तू मला खूप आवडतेस…” वरिष्ठाकडून महिला सुरक्षा रक्षकाचा विनयभंग; जुना राजवाडा पोलिसांत तक्रार!

तलावात आढळला मृतदेह; संशयावरून हत्येचा उलगडा

मृत पतीचे नाव गुम्माडी काशीराम (वय २६, रा. हनमाजीपेट, ता. बांसवाडा) असे आहे. काशीराम हा मजुरीचे काम करून आपल्या कुटुंबाचा उदरनिर्वाह चालवत होता. २३ ऑक्टोबर २०२६ च्या रात्री गावाच्या वेशीवर असलेल्या ‘पचेरा चेरुवू’ नावाच्या तलावात त्याचा मृतदेह संशयास्पद स्थितीत तरंगताना आढळला होता. काशीरामचे वडील चकाली भुमैया यांनी दिलेल्या तक्रारीवरून पोलिसांनी सुरुवातीला आकस्मिक किंवा संशयास्पद मृत्यूची नोंद करून तपासाला सुरुवात केली. मात्र, शवविच्छेदन (Post-Mortem) अहवालात गळा आवळल्याने मृत्यू झाल्याची चिन्हे दिसताच पोलिसांनी तात्काळ या प्रकरणाला हत्येच्या गुन्ह्यात (Section of Murder) रुपांतरित केले.

अनैतिक संबंधातून पतीच्या हत्येचा कट

पोलीस तपासात समोर आलेल्या माहितीनुसार, काशीरामची पत्नी गुम्माडी सविता (वय २५) हिचे तिच्याच गावातील चिंताकिंडी रामू (वय २६) आणि पसुपूला संतोष (वय २५) या दोन तरुणांशी अनैतिक संबंध होते. या अनैतिक संबंधांच्या आड येणाऱ्या पतीला कायमचे रस्त्यातून हटवण्यासाठी सविताने या दोघांच्या मदतीने काशीरामच्या हत्येची भयानक योजना आखली.

हेही वाचा: Pune Crime News: पुण्यात आलिशान फ्लॅटवर लंडनच्या विद्यार्थिनीचा ५ दिवस कुजलेला मृतदेह; एसीमुळे शेजाऱ्यांनाही लागला नाही सुगावा!

दारूच्या नशेत आवळला नायलॉनच्या दोरीने गळा

२३ ऑक्टोबरच्या रात्री आरोपींनी आखलेल्या कटानुसार काशीरामला एका निर्जन ठिकाणी दारू पिण्याच्या बहाण्याने एकत्र नेले. त्याला प्रमाणापेक्षा जास्त दारू पाजून पूर्णपणे बेधुंद करण्यात आले. काशीराम नशेत पूर्णपणे असहाय्य झाल्यानंतर, प्रियकर रामूने खिशातून नायलॉनची दोरी काढून त्याचा गळा आवळण्यास सुरुवात केली. यावेळी काशीरामने प्रतिकार करू नये किंवा पळून जाऊ नये म्हणून दुसऱ्या प्रियकराने म्हणजेच संतोषने त्याचे दोन्ही हात घट्ट धरून ठेवले होते. श्वास गुदमरून काशीरामचा मृत्यू झाल्यावर, तिघांनी मिळून मृतदेह ‘पचेरा चेरुवू’ तलावात फेकून दिला, जेणेकरून तो पाण्यात बुडून मेला असल्याचा भास होईल. परंतु, फॉरेन्सिक टीम व पोलिसांच्या सतर्कतेमुळे आरोपींचे हे कृत्य उघडे पडले.