Double Murder Case: रक्ताचे नाते झाले कलंकित! कौटुंबिक वादातून पतीने पत्नी अन् ३ वर्षांच्या मुलाला दगडाने ठेचून संपवले अन्...
Double Murder Case: धुळे जिल्ह्यातील साक्री तालुक्यातील अष्टाणे गावातून एक अत्यंत संतापजनक आणि मन हेलावून टाकणारी घटना समोर आली आहे. कौटुंबिक वादातून एका नराधम पतीने आपल्याच २८ वर्षीय पत्नीची आणि तीन वर्षांच्या निष्पाप मुलाची दगडाने ठेचून निर्घृण हत्या केल्याची लाजीरवाणी घटना घडली आहे. या दुहेरी हत्याकांडाने संपूर्ण धुळे जिल्हा आणि साक्री तालुका हादरून गेला आहे.
मिळालेल्या माहितीनुसार, साक्री तालुक्यातील अष्टाणे गावात नागेश ठाकरे याचे त्याच्या कुटुंबासोबत काही दिवसांपासून वाद सुरू होते. याच कौटुंबिक वादातून शुक्रवारी वातावरण तापले आणि नागेश ठाकरे याने टोकाचे पाऊल उचलले. त्याने आपली पत्नी बाईचीबाई ठाकरे (वय २८ वर्ष) आणि ३ वर्षांचा निष्पाप मुलगा रोहित यांच्यावर एका जड दगडाने सपासप आणि निर्दयीपणे वार केले. या हल्ल्यात माय-लेक रक्ताच्या थारोळ्यात पडले आणि त्यांचा जागीच दुर्दैवी मृत्यू झाला.
पत्नी आणि पोटच्या ३ वर्षांच्या मुलाची हत्या केल्यानंतर संशयित नागेश ठाकरे याने स्वतःला देखील संपवण्याचा किंवा जखमी करून घेण्याचा प्रयत्न केला. या घटनेची माहिती मिळताच साक्री पोलीस ठाण्याचे पथक त्वरित घटनास्थळी दाखल झाले. पोलिसांनी रक्ताच्या थारोळ्यात पडलेले मृतदेह ताब्यात घेत शवविच्छेदनासाठी पाठवले, तर स्वतःला जखमी करून घेतलेल्या आरोपी पतीला पोलिसांनी तातडीने उपचारासाठी धुळे येथील शासकीय रुग्णालयात दाखल केले.
या दुहेरी हत्याकांडाने अष्टाणे गावावर शोककळा पसरली असून नातेवाईक व ग्रामस्थांकडून संताप व्यक्त केला जात आहे. कौटुंबिक कलह नेमका कोणत्या कारणातून विकोपाला गेला होता, याचा सखोल शोध साक्री पोलीस घेत आहेत. आरोपीवर योग्य ती कायदेशीर कारवाई करण्याचे आश्वासन पोलिसांनी दिले असून पुढील तपास सुरू आहे.
Ans: ही घटना धुळे जिल्ह्यातील साक्री तालुक्यातील अष्टाणे गावात घडली.
Ans: नागेश ठाकरे याची २८ वर्षीय पत्नी बाईचीबाई ठाकरे आणि ३ वर्षांचा मुलगा रोहित अशी मृतांची नावे आहेत.
Ans: आरोपी नागेश ठाकरे याने पत्नी व मुलाची दगडाने ठेचून हत्या केली असून, स्वतःला जखमी केल्याने त्याला उपचारासाठी धुळे येथे दाखल करण्यात आले आहे.
.png "Videos"){kind=small}
