शनिवार, 7 नोव्हेंबर 2026
सौैजन्य फोटो - सोशल मिडीया
५० वर्षीय परमजीत धनखड हे आपल्या कुटुंबासह सिंगापूर येथे वास्तव्यास होते. २४ नोव्हेंबर रोजी होणाऱ्या पुतण्याच्या लग्नसमारंभासाठी ते ५ नोव्हेंबर रोजीच फरीदाबाद येथे आले होते. ६ नोव्हेंबरच्या रात्री परमजीत हे जिमवरून घरी परतले असता, तिसऱ्या मजल्यावर राहणाऱ्या मोनू शर्मा याच्याशी पार्किंगमध्ये कार उभी करण्यावरून त्यांचा वाद झाला. हा वाद इतका विकोपाला गेला की, संतापलेल्या मोनूने आपल्या परवानाधारक पिस्तूलमधून थेट परमजीत यांच्यावर तब्बल १५ राऊंड गोळ्या झाडल्या. यातील ७ गोळ्या परमजीत यांना लागल्याने त्यांचा जागीच दुर्दैवी मृत्यू झाला.
मिळालेल्या माहितीनुसार, तळमजल्यावर राहणारे परमजीत धनखड आणि आरोपी मोनू शर्मा यांच्यात पाळीव कुत्र्याला फिरवणे आणि गाड्यांच्या पार्किंगवरून पूर्वीपासून वाद सुरू होता. या संदर्भात आधीही पोलीस ठाण्यात तक्रारी नोंदवण्यात आल्या होत्या. या जुन्या वादाचा राग मनात धरून आरोपीने हे टोकदार पाऊल उचलले.
गुन्हा केल्यानंतर आरोपी मोनू शर्मा हा आपल्या संपूर्ण कुटुंबासह फरार झाला आहे. पोलिसांनी घटनास्थळावरून काडतुसांचे रिकामे शेल जप्त केले असून, मृतदेह शवविच्छेदनासाठी सिव्हिल हॉस्पिटलमध्ये पाठवण्यात आला आहे. सध्या फरीदाबाद पोलीस आणि क्राईम ब्रँचची पथके फरार आरोपीचा शोध घेण्यासाठी वेगाने चक्रे हलवत आहेत.
Ans: परमजीत धनखड हे ५० वर्षांचे होते आणि ते 'टेक महिंद्रा' कंपनीत 'आशिया प्रमुख' (Asia Head) या उच्च पदावर कार्यरत होते. ते सिंगापूरला राहत असून पुतण्याच्या लग्नासाठी भारतात आले होते.
Ans: इमारतीमध्ये कार पार्किंग आणि पाळीव कुत्र्याला फिरवण्यावरून झालेल्या किरकोळ वादातून ही हत्या झाली.
Ans: आरोपी मोनू शर्मा याने पिस्तुलातून १५ राऊंड गोळ्या झाडल्या, ज्यातील ७ गोळ्या लागल्याने त्यांचा मृत्यू झाला. गुन्हा केल्यानंतर आरोपी कुटुंबासह फरार झाला असून पोलीस त्याचा शोध घेत आहेत.
