Akola Murder: अकोल्यात धक्कादायक घटना! पतीनेच केली पत्नीची निर्घृण हत्या, ‘या’ कारणामुळे घडला थरार…

Akola Crime: अकोट फाइल पोलिस ठाण्याच्या हद्दीतील शेख राजू शेख निजाम (४१, रा. राजूनगर) आणि त्यांची पत्नी शेख शमीम शेख राजू (३६) यांच्यात घटस्फोटासंबंधी न्यायालयीन प्रकरण सुरू होते.

 

• अकोल्यात संशयाचं भीषण टोक!
• चारित्र्यावर संशय घेऊन पतीने पत्नीच्या गळ्यावर चाकूने वार केले
• उपचारादरम्यान मृत्यू

अकोला, ब्यूरो: शहरालगतच्या अकोट फाइल पोलिस ठाण्याच्या हद्दीत सोमवारी (दि. २४) सकाळी एक मन हेलावून टाकणारी घटना समोर आली. प्राथमिक माहितीनुसार, शमीम अंजुम नावाच्या महिलेची तिच्याच पतीने, शेख राजू शेख निजाम (४१) याने हत्या केल्याची माहिती समोर आली आहे. या प्रकरणी पोलिसांनी आरोपीला अटक केली असून, अधिक तपास सुरू आहे.

संशयावरून झालेल्या भांडणातून हत्या

अकोट फाइल पोलिस ठाण्याच्या हद्दीतील शेख राजू शेख निजाम (४१, रा. राजूनगर) आणि त्यांची पत्नी शेख शमीम शेख राजू (३६) यांच्यात घटस्फोटासंबंधी न्यायालयीन प्रकरण सुरू होते. मात्र, दोघे एकत्रच राहत होते. आरोपी शेख राजू हा पत्नीच्या चारित्र्यावर नेहमी संशय घेत होता, ज्यामुळे त्यांच्यात सतत वादविवाद आणि भांडणे होत होती.

हे देखील वाचा: Uttar Pradesh Crime: पत्नी–प्रियकराच्या नात्याचा थरकाप उडवणारा शेवट; पत्नीसमोर प्रियकराने केला पतीचा खून

हत्येची घटना

दरम्यान, सोमवारी (दि. २४) सकाळी १०.३० वाजताच्या सुमारास राजूने पत्नीच्या चारित्र्यावर संशय घेऊन कडाक्याचे भांडण केले. याच भांडणात त्याने घरातील धारदार चाकूने पत्नी शेख शमीम हिच्या गळ्यावर वार करून तिला गंभीर जखमी केले. शमीम यांना उपचारासाठी सरकारी दवाखान्यात नेले असता, उपचारादरम्यान त्यांचा मृत्यू झाला.

पोलिसांची तातडीची कारवाई

घटनेची माहिती मिळताच अकोट फाइल पोलिसांनी तातडीने घटनास्थळी धाव घेतली. पोलिसांनी पंचनामा करून आरोपी शेख राजू याला तत्काळ ताब्यात घेतले आहे. घटनास्थळी फॉरेन्सिक टीम, डॉग स्कॉड तसेच पोलिस ठाण्याचा स्टाफ दाखल झाले. ही कारवाई पोलीस अधीक्षक अर्चित चांडक, अपर पोलीस अधीक्षक बदेली चंद्रकांत रेड्डी, उपविभागीय पोलीस अधिकारी सुदर्शन पाटील यांच्या मार्गदर्शनाखाली पोलीस निरीक्षक शेख रहीम, सपोनि जनार्धन खंडेराव, पोउपनि शेख, डी. बी. पथक तसेच अकोट फाइल पोलीस ठाण्याच्या अंमलदारांनी केली आहे.

हे देखील वाचा: Dombivali Crime: पलावा उड्डाणपुलाखाली सूटकेसमध्ये सापडला तरुणीचा सडलेला मृतदेह; अत्याचार करून हत्येचा संशय