चिंचवडमध्ये रिक्षा चालकाला पाईपने बेदम मारहाण; नेमकं काय घडलं?

रिक्षा नंबरला लावण्याच्या कारणावरून रिक्षा चालकाला दोघांनी मिळून बेदम मारहाण केल्याचा प्रकार उघडकीस आला आहे. ही घटना चिंचवडमधील गुरुद्वारा चौक येथे घडली आहे.

संग्रहित फोटो

Follow Us:

Follow Us:

पिंपरी : राज्यात गुन्हेगारीचे प्रमाण मोठ्या प्रमाणात वाढले आहे. राज्यातील वेगवेगळ्या भागातून गुन्हेगारीच्या घटना उघडकीस येत असतात. अशातचं आता रिक्षा नंबरला लावण्याच्या कारणावरून रिक्षा चालकाला दोघांनी मिळून बेदम मारहाण केल्याचा प्रकार उघडकीस आला आहे. ही घटना चिंचवडमधील गुरुद्वारा चौक येथे घडली आहे. या प्रकरणी तानाजी दगडू पांचाळ (३५, रा. रमाबाईनगर, रावेत) यांनी चिंचवड पोलिस ठाण्यात फिर्याद दिली आहे. त्यानुसार राहुल राठोड (वय ३०), विठोबा लालचंद राठोड (वय ६५, दोघेही रा. वाल्हेकरवाडी, चिंचवड) यांच्यावर गुन्हा दाखल झाला आहे.

नेमकं काय घडलं?

तानाजी हे रिक्षा चालक असून ते त्यांची रिक्षा घेऊन गुरुद्वारा चौकात रिक्षा स्टॉपवर पॅसेंजर घेण्यासाठी थांबले. रिक्षा नंबरला लावण्यावरून त्यांचा विठोबा राठोड याच्याशी वाद झाला. विठोबा याने त्याच्या मुलाला बोलावून घेतले. त्यानंतर दोन्ही आरोपींनी तानाजी यांना पाईपने बेदम मारहाण करून जखमी केले. पोलिसांनी राहुल राठोड याला अटक केली असून, अधिक तपास सुरु आहे.

हे सुद्धा वाचा : पुण्यातील निगडीत तरुणावर चाकूने हल्ला; सपासप वार केले अन्…

निगडीत तरुणावर चाकूने हल्ला

गेल्या काही दिवसाखाली जुन्या भांडणाच्या कारणावरून टोळक्याने एका तरुणाला बेदम मारहाण केल्याचा प्रकार उघडकीस आला आहे. चाकूने वार करून जिवे मारण्याचाही प्रयत्न केलाय. यामध्ये तरुण गंभीर जखमी झाला आहे. ही घटना निगडी येथील चिकन चौक येथे घडली आहे. भरत भागवत म्हस्के (३४, राहुलनगर, निगडी) असे जखमी व्यक्तीचे नाव आहे. त्यांनी याप्रकरणी निगडी पोलिस ठाण्यात फिर्याद दिली आहे. त्यानुसार हृतिक सकट, सचिन जाधव, धनंजय उर्फ बबलू सूर्यकांत रणदिवे, सूरज कोंडिराम ओव्हाळ, गणेश उबाळे, विशाल ऊर्फ दुग्गु शंकर वैरागे आणि इतर साथीदारांवर गुन्हा दाखल झाला आहे. यातील रणदिवे, ओव्हाळ व वैरागे यांना पोलिसांनी अटक केली आहे.

दगडाने ठेचून मुलाचा खून

दरम्यान गेल्या काही दिवसाखाली नगर रस्त्यावरील वाघोली भागात वाघेश्वरनगर येथे एका अल्पवयीन मुलाचा लोखंडी रॉड तसेच दगडाने ठेचून खून केल्याची धक्कादायक घटना समोर आली आहे. मुलीला बोलत असल्याच्या रागातून हा खून झाल्याचे सांगण्यात आले आहे. प्रेमप्रकरणातून खून झाल्याने शहरात खळबळ उडाली आहे. गणेश वाघू तांडे (१७) असे हत्या झालेल्या अल्पवयीन मुलाचे नाव आहे. याप्रकरणी लक्ष्मण पेटकर (वय ६०), नितीन पेटकर (वय ३१) आणि सुधीर पेटकर (वय ३२) यांना ताब्यात घेण्यात आले आहे. याबाबत वाघोली पोलीस ठाण्यात गुन्हा नोंद करण्यात आला आहे. ही घटना मंगळवारी मध्यरात्री साडे बाराच्या सुमारास घडली आहे.

Web Title: In chinchwad a rickshaw driver was brutally beaten by two people nrdm

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com