Karnatak Crime : लग्नाला दोन वर्षेही पूर्ण नाही आणि…, आधी पत्नीची हत्या नंतर गळफास घेत आत्महत्या

बंगळूरुतील उल्लाल परिसरात धक्कादायक घटना घडली. धर्मशीलमने पत्नी मंजूचा चाकूने खून करून पंख्याला गळफास घेऊन आत्महत्या केली. लग्नाला दोन वर्षेही पूर्ण नसताना घडलेल्या या घटनेचा पोलीस तपास करत आहेत.

कर्नाटक येथून एक धक्कादायक घटना समोर आली आहे. आधी नवऱ्याने बायकोची निर्घृण हत्या केली नंतर आत्महत्या केली. या घटनेमुळे संपूर्ण परिसरात मोठी खळबळ उडाली असून या दाम्पत्याच्या मृत्यूचे नेमके कारण काय होते, याचा पोलीस शोध घेत आहेत. ही घटना बंगळुरू येथील उल्लाल परिसरात घडली आहे. मृत दाम्पत्याचे लग्न सप्टेंबर २०२२ मध्ये झाले होते आणि त्यांना कोणतेही मुलबाळ नव्हते.

कुख्यात गुंड निलेश घायवळचं लोकेशन सापडलं! लंडनमध्ये नाही तर ‘या’ देशात लपल्याची माहिती समोर

नायलॉनच्या दोरीने…

मृत मंजूचे वडील पेरियास्वामी यांनी पोलिसांना सांगितले की, रात्री सुमारे 9.30 वाजता त्यांना घरात दोन्ही मृतदेह आढळले. मंजूचा मृतदेह पलंगावर पडलेला होता आणि तिच्या शरीरावर चाकूने वार केल्याच्या अनेक जखमा होत्या. तर, तिचा पती धर्मशीलम याने नायलॉनच्या दोरीच्या सहाय्याने पंख्याला गळफास लावून आत्महत्या केली होती. पेरियास्वामी यांच्या तक्रारीनंतर या घटनेची माहिती पोलिसांना देण्यात आली.

नुकताच दुबईहुन परत…

पोलिसांनी दिलेल्या माहितीनुसार, मृत मंजू (27) ही बंगळूरुमधील एका खासगी रुग्णालयात परिचारिका (नर्स) म्हणून काम करत होती. तिचा पती धर्मशीलम (30) हा नुकताच दुबईहून परतला होता. हे दोघे मंजूचे वडील पेरियास्वामी यांच्यासोबत उल्लाल मेन रोडवरील एका भाड्याच्या घरात राहत होते.

तपास सुरु?

ज्ञानभारती पोलीस स्टेशनमध्ये या प्रकरणी हत्या आणि आत्महत्या असा गुन्हा दाखल केला आहे. ही घटना का घडली, यामागील नेमके उद्देश काय होता, याचा पोलीस तपास करत आहेत. प्राथमिक माहितीनुसार, दोघांमध्ये कौटुंबिक किंवा वैयक्तिक कारणांवरून वाद झाला असावा, असा संशय पोलिसांना आहे. मात्र, ठोस कारण शोधण्यासाठी तपासणी सुरू आहे.

सावत्र आई पक्की वैरीण…! 6 वर्षाच्या चिमुकलीला तिसऱ्या मजल्यावरून क्रुरतेने ढकलतानाचे CCTV फुटेज समोर

कर्नाटकातील बिदर जिल्ह्यातून एक धक्कादायक घटना समोर आली आहे. सावत्र आई खरचं पक्की वैरीण असते का? कारण कर्नाटकातून एका सावत्र आईने सहा वर्षांच्या मुलीला तिसऱ्या मजल्यावरून ढकलले, ज्यामुळे तिचा मृत्यू झाला. ही धक्कादायक घटना दोन आठवड्यांपूर्वी घडली. आरोपी महिलेने पोलिसांना सांगितले की ती घटनेच्या वेळी झोपली होती.मात्र तिच्या शेजारच्या घरातील सीसीटीव्ही फुटेजमधून संपूर्ण प्रकरण उघड झाले. सीसीटीव्ही फुटेजमध्ये महिलेने स्वतः मुलीला छतावरून फेकून दिल्याचे दिसून आले, ज्यामुळे तिचा मृत्यू झाला. आरोपी महिलेला आता पोलिसांनी अटक केली आहे.

Chattisgarh Crime: गर्भपाताच्या वादातून अल्पवयीन प्रेयसीने लॉजमध्ये प्रियकराची केली हत्या; रायपूर येथील घटना