Latur Blast: लातूरमध्ये कुरिअरच्या पार्सलचा भीषण स्फोट! एक कर्मचारी गंभीर जखमी; वाहनाचा उडाला चक्काचूर

Latur Courier Blast: कुरिअर सर्व्हिसच्या संचालकांनी दिलेल्या माहितीनुसार, बाहेरून येणाऱ्या पार्सलमधील साहित्याची माहिती त्यांच्याकडे नसते; मात्र त्यांच्या कार्यालयातून पाठवण्यात येणाऱ्या पार्सलमधील साहित्याची नोंद ठेवली जाते.

• उमाटे कुरिअर सर्व्हिसमध्ये एका पार्सलचा अचानक स्फोट
• लातूर पोलीस आणि फॉरेन्सिक पथक घटनास्थळी दाखल
• स्फोटामागील नेमके कारण अद्याप स्पष्ट झालेले नाही

Latur Crime News: लातूरमधील उद्योग भवन परिसरातील उमाटे कुरिअर सर्व्हिसमध्ये एका पार्सलचा अचानक स्फोट झाल्याचा प्रकार उघडकीस आला आहे. सामानाची चढ-उतार  करत असताना पार्सलचा अचानक स्फोट झाला. या स्फोटात पार्सल हाताळणारा एक कर्मचारी गंभीर जखमी झाला असून, कुरिअरच्या वाहनाचेही मोठे नुकसान झाले आहे. स्फोट नेमका कशामुळे झाला आणि संबंधित पार्सलमध्ये कोणते साहित्य होते, याचा तपास लातूर पोलिसांकडून सुरू आहे.

नेहमीप्रमाणे कुरिअरच्या सामानाची चढ-उतार सुरू असताना अचानक मोठा स्फोट झाला. स्फोट इतक्या तीव्रतेचा होता की, वाहनाचे छत आणि काचा निखळून पडल्या. अचानक झालेल्या या घटनेमुळे परिसरात एकच खळबळ उडाली. जखमी कर्मचाऱ्याला तातडीने खासगी रुग्णालयात उपचारासाठी दाखल करण्यात आले असून, त्याची प्रकृती चिंताजनक असल्याची माहिती आहे.

Wardha News : न्यायाधीशांवर भिरकावली चप्पल! आर्वी न्यायालयातील घटनेने खळबळ, आरोपीवर गुन्हा दाखल

घटनेची माहिती मिळताच लातूर पोलीस आणि फॉरेन्सिक पथक घटनास्थळी धाव घेतली.  पोलिसांकडून स्फोट झालेल्या पार्सलची तपासणी केली जात असून, ते कोणी पाठवले होते आणि त्यामध्ये नेमके कोणते साहित्य होते, याचा शोध घेतला जात आहे.

कुरिअर वाहनात बंदूक

या घटनेदरम्यान कुरिअरच्या वाहनात एक बंदूकही आढळून आली.पण ही बंदूक नेमकी कोणाची आहे, ती कशासाठी आणण्यात आली होती, तिचा स्फोट झालेल्या पार्सलशी काय संबंध आहे का, याबाबत अद्याप अधिकृत माहिती समोर आलेली नाही. पोलीस या सर्व बाबींचा तपास करत आहेत.

छत्रपती संभाजीनगरमध्ये 34 इलेक्ट्रिक बस धावणार; मुख्यमंत्र्यांच्या हस्ते उद्या विकासकामांचे लोकार्पण

कुरिअर सर्व्हिसच्या संचालकांनी दिलेल्या माहितीनुसार, बाहेरून येणाऱ्या पार्सलमधील साहित्याची माहिती त्यांच्याकडे नसते; मात्र त्यांच्या कार्यालयातून पाठवण्यात येणाऱ्या पार्सलमधील साहित्याची नोंद ठेवली जाते. त्यामुळे स्फोट झालेल्या पार्सलचा स्रोत आणि त्यातील साहित्य शोधण्याचे काम सुरू आहे.

कुरिअरच्या वाहनात एक बंदूक आढळून आल्याने तपासाला वेगळे वळण मिळाले आहे. ही बंदूक कोणाची आहे, ती वाहनात कशी आली आणि तिचा स्फोट झालेल्या पार्सलशी काही संबंध आहे का, याचा तपास पोलीस करत आहेत. या घटनेत एक कर्मचारी गंभीर जखमी झाला असून त्याला रुग्णालयात दाखल करण्यात आले आहे. त्याची प्रकृती चिंताजनक असल्याची माहिती आहे. या स्फोटामागील नेमके कारण अद्याप स्पष्ट झालेले नाही. पार्सलमध्ये काय होते, ते कोणी पाठवले आणि स्फोट कशामुळे झाला, या प्रश्नांची उत्तरे तपासानंतरच स्पष्ट होणार आहेत.