मंगळवार, 10 नोव्हेंबर 2026
सौजन्य फोटो - AI Gemini
पोलिसांनी दिलेल्या माहितीनुसार, समीर वंशकार, गौरव वंशकार आणि दुर्गेश वंशकार अशी दुर्दैवी मृत तरुणांची नावे आहेत. तर पुष्पेंद्र वंशकार हा तरुण या घटनेतून सुदैवाने बचावला असून त्याच्यावर जिल्हा रुग्णालयात उपचार सुरू आहेत.
स्थानिक रहिवाशांच्या दाव्यानुसार, सोमवारी रात्री सुमारे ८ वाजण्याच्या सुमारास हे चारही मित्र चौपाटीजवळील तलावाच्या काठावर बसले होते. त्याच वेळी त्या ठिकाणी पोलिसांची गस्तीची गाडी आली. पोलिसांचे वाहन पाहताच तरुण घाबरले आणि पळण्याच्या घाईत त्यांनी थेट तलावात उडी मारली. मात्र, तलावाच्या पाण्याचा अंदाज न आल्याने तिघे जण पाण्यात बुडाले.
घटनेनंतर तातडीने चारही जणांना तलावातून बाहेर काढून जिल्हा रुग्णालयात नेण्यात आले, मात्र डॉक्टरांनी तपासणीअंती तिघांना मृत घोषित केले. ही बातमी समजताच मृतांच्या नातेवािकांनी आणि स्थानिकांनी जिल्हा रुग्णालयात मोठी गर्दी केली. उपस्थितांनी पोलिसांविरोधात तीव्र घोषणाबाजी करत या घटनेची निष्पक्ष आणि सखोल चौकशी करण्याची मागणी लावून धरली. शहडोलचे पोलीस अधीक्षक राजेंद्र मोहन दुबे यांनी तीन तरुणांचा बुडून मृत्यू झाल्याच्या घटनेला दुजोरा दिला असून तरुण नेमक्या कोणत्या परिस्थितीत पाण्यात पडले, याचा तपास सुरू असल्याचे सांगितले.
या प्रकरणाचे गांभीर्य लक्षात घेऊन जिल्हाधिकाऱ्यांनी तात्काळ तीन सदस्यीय चौकशी समितीची स्थापना केली आहे. या समितीमध्ये अतिरिक्त पोलीस अधीक्षक, अतिरिक्त जिल्हाधिकारी आणि सिव्हिल सर्जन यांचा समावेश करण्यात आला आहे. ही समिती घटनेच्या सर्व पैलूंची सखोल चौकशी करून आपला अहवाल सादर करेल. याशिवाय, प्रशासनाकडून मृतांच्या शोकाकुल कुटुंबीयांना प्रत्येकी २५ हजार रुपयांची तातडीची आर्थिक मदत जाहीर करण्यात आली आहे. चौकशी अहवाल आल्यानंतरच या दुर्देवी घटनेमागील नेमके सत्य समोर येणार आहे.
Ans: शहडोल येथील चौपाटीमागील तलावात बुडून तीन तरुणांचा मृत्यू झाला असून एक जण बचावला आहे.
Ans: समीर वंशकार, गौरव वंशकार आणि दुर्गेश वंशकार अशी मृत तरुणांची नावे आहेत.
Ans: अतिरिक्त पोलीस अधीक्षक, अतिरिक्त जिल्हाधिकारी आणि सिव्हिल सर्जन यांची ३ सदस्यीय समिती या घटनेची चौकशी करत आहे.
