मंगळवार, 10 नोव्हेंबर 2026
शेवगावात हजारो झाडांच्या कत्तलीचे प्रकरण तापले; जप्त लाकडाच्या साठ्याची पळवापळवी!
या संपूर्ण भ्रष्ट कारभारात स्थानिक वनविभागाचे अधिकारी आणि लाकूड वखारींचे मालक पूर्णपणे मॅनेज असल्याचा सणसणीत आरोप स्वाभिमानी शेतकरी संघटनेने केला आहे. एकीकडे बेकायदा वृक्षतोडीमुळे पर्यावरणाचा ऱ्हास होत असून मानवी जीवनावर आणि आरोग्यावर गंभीर संकट ओढवत आहे, तर दुसरीकडे वनविभागाचे अधिकारी लाच घेऊन गुन्हेगारांना अभय देत आहेत.
Torrent Power: टोरंटसाठी सरकारच्या पायघड्या? सायडोंगरात जमीन सर्वेक्षण सुरू होताच ठाकरे गट आक्रमक!
जर अशा प्रकारे शासकीय अधिकारीच तस्करांना पाठीशी घालून केवळ दिखाऊ कारवाईचा फार्स रचत असतील, तर हा थेट निसर्गाचा आणि जनतेच्या जीवाशी चाललेला खेळ आहे. त्यामुळे या सर्व प्रकरणाला जबाबदार असणाऱ्या संबंधित अधिकाऱ्यांवर तात्काळ मनुष्यवधाचा गुन्हा दाखल करून त्यांना सेवेतून तातडीने निलंबित करण्यात यावे, अशी आक्रमक आणि उग्र मागणी स्वाभिमानी शेतकरी संघटनेने केली आहे.
वनविभागाच्या या भ्रष्ट आणि लहरी कारभाराविरोधात आता स्वाभिमानी शेतकरी संघटनेने एल्गार पुकारला आहे. या संपूर्ण प्रकरणाची उच्चस्तरीय चौकशी करावी आणि लाकूड माफिया-अधिकारी युतीच्या म्होरक्यांवर कठोर दंडात्मक कारवाई करावी, यासाठी उद्या थेट जिल्हाधिकारी कार्यालयात धडक देऊन निवेदन दिले जाणार असल्याचे संघटनेचे प्रमुख नेते दत्तात्रय फुंदे यांनी स्पष्ट केले आहे.
जप्त लाकूड गायब कुणाच्या आशीर्वादाने?–वनविभागाच्या जप्त केलेल्या मालाची चोरी कशी झाली? यामागे मोठा आर्थिक घोटाळा असल्याची शक्यता. जिल्हाधिकारी या प्रकरणात कोणती कठोर भूमिका घेणार आणि दोषी अधिकाऱ्यांवर कारवाई होणार का? शेवगावमधील या अवैध धंद्यांची पाळेमुळे नेमकी कुठे रुजली आहेत, याचा पर्दाफाश होणार का?
पर्यावरणाचा विनाश करणाऱ्या आणि भ्रष्ट अधिकाऱ्यांना पाठीशी घालणाऱ्या या यंत्रणेविरुद्ध आता शेतकरी आणि नागरिक आक्रमक झाले असून, या संपूर्ण प्रकरणावरून शेवगाव तालुक्यात कमालीचा तणाव व संतापाचे वातावरण पाहायला मिळत आहे.
Ans: शेवगाव येथे हजारो झाडांची कत्तल झाल्याचे प्रकरण समोर आले असून, त्यावरून वाद निर्माण झाला आहे.
Ans: जप्त करण्यात आलेल्या लाकडाच्या साठ्याची पळवापळवी झाल्याचा आरोप करण्यात येत आहे.
Ans: या प्रकरणातील दोषी अधिकाऱ्यांवर मनुष्यवधाचा गुन्हा दाखल करण्याची मागणी स्वाभिमानी संघटनेने केली आहे.
