शुक्रवार, 11 सप्टेंबर 2026
मुंब्रा येथील तरुणी ATS च्या जाळ्यात; जुना पासपोर्ट लपवून नवीन काढल्याने गुन्हा दाखल
एटीएसने केलेल्या प्राथमिक तपासानंतर, मुंब्रा पोलिसांनी नामीरा तारिक खान हिच्या विरोधात पासपोर्ट कायद्याच्या कलम १२(१)(ब) आणि फौजदारी प्रक्रिया संहितेच्या (सीआरपीसी) कलम ३१८(२), २१२ आणि ३(५) अंतर्गत एफआयआर दाखल केला आहे. तपास यंत्रणा आता नामीराचे जुने आणि नवीन पासपोर्ट, तिचे परदेश प्रवास आणि तिच्या फरार वडिलांशी असलेले संभाव्य संबंध यांच्यातील दुवे जोडण्याचे काम करत आहेत.
Maratha Reservation: ‘सोनम वांगचूक यांच्यासारखं जरांगेंसोबत करू नका, हात लावला तर..,’ अभिजीत दीपकें
एटीएसने केलेल्या प्राथमिक तपासाच्या आधारे, मुंब्रा पोलिसांनी आता नमीरा तारिक खान हिच्या विरोधात पासपोर्ट कायद्याच्या कलम 12(1)(b) आणि बीएनएसच्या कलम 318(2), 212, आणि 3(5) अंतर्गत गुन्हा दाखल केला आहे. एटीएस आणि मुंब्रा पोलीस सध्या संपूर्ण प्रकरणाचा तपास करत आहेत.
तपासातील प्राथमिक माहितीनुसार, मुंब्रा येथील रहिवासी असलेल्या नमीरा तारिक खानने अपूर्ण माहितीच्या आधारे नवीन पासपोर्ट मिळवल्याची माहिती एटीएसला मिळाली. जेव्हा एटीएसने या प्रकरणाचा तपास सुरू केला. नमीराकडे आधीपासूनच उत्तर प्रदेशातील लखनौ येथून जारी केलेला पासपोर्ट होता.
Maharashtra News: महाराष्ट्रावर मोठ्या संकाटाची चाहुल; केंद्राकडून ५० कोटींचा निधी वितरित
तपास यंत्रणांनुसार, नवीन पासपोर्ट मिळवताना जुन्या पासपोर्टचा तपशील देणे आवश्यक असते, परंतु नमीराने कथितरित्या तिच्या जुन्या पासपोर्टचा तपशील न देता मुंब्रा येथून नवीन पासपोर्ट मिळवला. या माहितीनंतर, एटीएसने तिच्या जुन्या पासपोर्टची आणि तिच्या परदेश प्रवासाशी संबंधित माहितीची चौकशी सुरू केली.
तपासादरम्यान, नमीराचे वडील, तारिक खान, यांचे नाव इंडियन मुजाहिदीन (आयएम) आणि सिमीशी संबंधित प्रकरणांमध्ये गुंतल्याचे आढळून आले. यानंतर, एटीएसने हे प्रकरण अधिक गांभीर्याने घेण्यास सुरुवात केली. तारिक खान यांच्या विरोधात तीन गुन्हे दाखल करण्यात आले आहेत. पहिले प्रकरण २००१ सालचे आहे, ज्यात त्याच्यावर बंदी घातलेल्या ‘सिमी’ (SIMI) या संघटनेशी संबंधित असल्याचा आरोप होता.
त्यानंतर, २००६ मध्ये, मुंबई गुन्हे शाखेने त्याच्यावर बेकायदेशीर कृत्ये (प्रतिबंध) कायद्या (UAPA) अंतर्गत गुन्हा दाखल केला. २०११ मध्ये, त्याच्यावर बनावट चलनाशी संबंधित आणखी एक गुन्हा दाखल करण्यात आला. या प्रकरणातही UAPA ची गंभीर कलमे लावण्यात आली होती.
तारिक खान २०११ नंतर देशातून फरार झाला आहे. तो आखाती देशात लपून बसला असल्याचा तपास यंत्रणांना संशय आहे. एटीएस आता नमीराच्या जुन्या पासपोर्टची आणि तिच्या परदेश प्रवासाची चौकशी करत आहे. नमीरा अल्पवयीन असताना तिच्याकडे लखनौमधून जारी केलेला पासपोर्ट होता. याच पासपोर्टचा वापर करून तिने २०१४ आणि २०१६ मध्ये आखाती देशांमध्ये प्रवास केला.
IND vs BAN: भारताची विजयी घोडदौड कायम; टीम इंडियाचा बांग्लादेशवर दणदणीत विजय; 10व्यांदा आशिया
या प्रवासादरम्यान नमीराने तिच्या फरार वडिलांना भेट दिली असावी, असा तपास यंत्रणांना संशय आहे. तथापि, या प्रकरणाचा तपास सुरू असून, तपास यंत्रणा तिच्या परदेश प्रवासाच्या नोंदी आणि इतर माहितीची तपासणी करत आहेत.
सूत्रांनुसार, नमीराच्या नवीन पासपोर्टची माहिती समोर आल्यानंतर आणि एटीएसने तपास तीव्र केल्यानंतर, तिची आई शबानाही बेपत्ता झाली. एटीएस आता नमीरा, तिची आई शबाना आणि तिचे फरार वडील तारिक खान यांच्यातील संभाव्य संबंधांचा तपास करत आहे. नमीराने तिच्या जुन्या पासपोर्टची माहिती आणि तिच्या परदेश प्रवासाचा उद्देश लपवून नवीन पासपोर्ट का मिळवला, हे देखील तपास यंत्रणा निश्चित करण्याचा प्रयत्न करत आहे.
