crime (फोटो सौजन्य: social media)
माळेगावातून एक धक्कादायक घटना समोर येत आहे. एका नामांकित हॉस्पिटलमध्ये नर्सिंग कोर्सच्या माध्यमातून प्रॅक्टिस करणाऱ्या एका 16 वर्षीय तरुणीवर
लैंगिक अत्याचार झाल्याचे समोर आले आहे. धक्कदायक म्हणजे हॉस्पिटलमधीलच एकाने हे कृत्य केल्याचे समोर आले आहे. मोहम्मद अथर खुर्शीद अहमद असे आरोपीचे नाव आहे. त्याने एक फोटो दाखवत ब्लॅकमेल करण्याचा प्रयत्न करत पीडितेवर बळजबरीने अत्याचार केला आहे. ही घटना १३ जुलैला पहाटे 3.30 वाजेच्या सुमारास घडली.
यानंतर पीडितेने प्रकाराबाबत मैत्रिणीला आणि तिच्या कुटुंबीयांना सांगितले. यानंतर या प्रकरणी पीडित तरुणीने छावणी पोलिसात धाव घेत गुन्हा दाखल केला. संशयित मोहम्मद अथर खुर्शिद अहमद याच्यावर पोलिसांनी पोस्को अंतर्गत गुन्हा दाखल केला आहे. त्याला ताब्यात घेण्यात आले असून या प्रकरणाचा अधिक तपास करत आहे. या घटनेने एकच खळबळ उडाली आहे.
अल्पवयीन मुलीवर सामूहिक अत्याचार, पाच महिन्यांची गर्भवती
बीड तालुक्यातील पिंपळनेर येथे एका अल्पवयीन मुलीवर सामूहिक अत्याचाराची घटना घडल्याचे समोर आले आहे. एवढेच नाही तर ती गर्भवती असल्याचे समोर आले आहे. १७ वर्षीय अल्पवयीन मुलीवर चार युवकांनी वेळोवेळी वेगवेगळ्या ठिकणी लैंगिक अत्याचार केला. याप्रकरणी पिंपळनेर पोलीस ठाण्यात चार आरोपींविरुद्ध गुन्हा दाखल करण्यात आला असून पुढील तपास करत आहे. या घटनेमुळे संपूर्ण बीड जिल्ह्यात खळबळ उडाली आहे.
पीडितेने दिलेल्या तक्रारीनुसार, आरोपींनी ओळखीचा गैरफायदा घेत बळजबरीने तिच्यावर वेळोवेळी वेगवेगळ्या ठिकणी सामूहिक शारीरिक अत्याचार केले. करण साळवे, वैभव यादव, लखन कांबळे आणि दशरथ ढगे अशी आरोपींची नावे आहे. अत्याचारानंतर अल्पवयीन पीडितेला धमकावून गप्प ठेवले जात होते. मात्र पीडितेची मासिकपाळी बंद झाल्याने तिची चाचणी केली असता तिची गर्भधारणा झाल्याचं समोर आले आहे. तिला एका खाजगी रुग्णालयात तपासणी केल्यानंतर ती पाच महिन्याची घरभवती असल्याचे निष्पन्न झाले.
धक्कादायक बाब म्हणजे, आरोपींच्या नातेवाईकांनी गर्भपात करण्यासाठी दबाव आल्याचेही फिर्यादीत नमूद केलं आहे. याप्रकरणी पिंपळनेर पोलीस ठाण्यात विविध कलमान्वये गुन्हा नोंदविण्यात आला आहे. या प्रकरणाचा पोलीस अधिक तपास करत आहे. या घटनेने संपूर्ण बीडजिल्ह्यात एकच खळबळ उडाली आहे.
.png "Videos"){kind=small}
