टोचन करून निघालेल्या ‘कार’ला भरधाव ट्रॅव्हल्सची धडक; जखमींचा आकडा आला समोर

पुणे-बंगळुरु आशियाई महामार्गावर बंद पडलेली इरटीगा कार टोव्हींग क्रेनला टोचन करून शोरूमला घेऊन जात असताना पाठीमागून भरधाव वेगाने आलेल्या ट्रॅव्हल्सने एट्रिगा कारला जोरदार धडक दिली.

सौजन्य - नवराष्ट्र टीम

Follow Us:

Follow Us:

कराड : पुणे-बंगळुरु आशियाई महामार्गावर बंद पडलेली इरटीगा कार टोव्हींग क्रेनला टोचन करून शोरूमला घेऊन जात असताना पाठीमागून भरधाव वेगाने आलेल्या ट्रॅव्हल्सने एट्रिगा कारला जोरदार धडक दिली. या अपघातात तीन जण जखमी झाले आहेत. मलकापूर (ता. कराड) गावच्या हद्दीत डी मार्टसमोर रविवारी रात्री १.३० वाजण्याच्या सुमारास हा अपघात झाला आहे. याबाबत सचिन गणपत रवले (वय ४०, रा. मालचौंडी ता. जावळी) यांनी कराड शहर पोलीस ठाण्यात तक्रार दाखल केली आहे. त्यानुसार ट्रॅव्हल्स चालक संतोष केशव माने (रा. सांगली) याच्याविरोधात गुन्हा दाखल करण्यात आला आहे.

याबाबत पोलिसांकडून मिळालेली माहिती अशी की, सचिन रवले हे रविवारी दुपारी ४.३० वाजण्याच्या सुमारास कणकवली येथून कुटुंबीयांसमवेत त्यांच्या मालचौंडी या गावी निघाले होते. ते गगनबावडा येथील घाटात आले असता, त्यांची एट्रिगा कार बंद पडली. म्हणून टोव्हींग क्रेनला एट्रिगा कार टोचन करून ते कराड येथील शोरूमला चालले होते. कोल्हापूर-सातारा लेनवरून कराडकडे येत असताना रात्री १.३० वाजण्याच्या सुमारास डी मार्टजवळ ते आले असता, पाठीमागून भरधाव वेगाने आलेल्या ट्रॅव्हल्सने एट्रिगा कारला पाठीमागून जोरदार धडक दिली. यामुळे एट्रिगा टोव्हींग क्रेनवर आदळली. यात एट्रिगाच्या पुढच्या व मागच्या दोन्ही बाजूचे मोठे नुकसान झाले आहे.

या अपघातात अंकिता सचिन रवले, वेदांत सचिन रवले व प्रज्ञा राजेश कदम हे तीन जण जखमी झाले आहेत. यावेळी अपघातस्थळापासून निघालेल्या रयत क्रांती संघटनेचे तालुकाध्यक्ष विशाल पुस्तके यांनी जखमींना स्वत:च्या कारमधून कृष्णा रूग्णालयात उपचारासाठी दाखल केले. याप्रकरणी पोलीस तपास करीत आहेत.

Web Title: Many injured after speeding bus hits car on pune bengaluru highway

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com