crime (फोटो सौजन्य: SOCIAL MEDIA )
उत्तर प्रदेशातील मेरठ येथून एक धक्कदायक घटना समोर आली आहे. सुनेनेच सासूच्या हत्येची सुपारी दिल्याचं सामोर आले आहे. यात सासूला गोळी तर लागली पण सुदैवाने यात पीडिता वाचली. हत्या कारण्यासाठी सुपारी 1.50 लाख रुपयांची देण्यात आली होती. आता या प्रकरणासंबंधी पोलिसांनी तीन तरुणांनी अटक केल्याची माहिती आहे. नेमकं काय प्रकरण?
सांगलीतील 47 तोळे सोने चोरीचा लागला छडा; टोळीच्या म्होरक्याला बीडमध्ये ठोकल्या बेड्या
का रचला हत्येचा कट?
पीडित महिला ही आरोपी महिलेची सावत्र सासू आहे. तिने के मुलं दत्तक घेण्याची इच्छा व्यक्त केली होती. त्यानंतर, मुलाच्या येण्याने मालमत्तेतील तिचा वाटा कमी होईल अशी सुनेला भीती होती म्हणून आरोपी सुनेने तिच्या सासूला संपवण्याचा भयानक कट रचला. पण या सगळ्यात तिचा हत्येचा कट उघडकीस आला आणि ती पकडली गेली. आरोपीचं सुनेच नाव कोमल आहे तर पीडित सासूचं नाव सीमा देवी असं आहे.
कसा केला हल्ला?
सुन कोमलने आपल्या भावालासोबत मिळून हत्येचा कट रचला. तिने त्याच्या भावाला सासूची हत्या करण्यासाठी दीड लाख रुपये देण्याचं आश्वासन दिलं. १२ ऑक्टोबर रोजी, आरोपी महिलेचा भाऊ भव्य मास्क घालून सरधना येथील बहिणीच्या घरात घुसला आणि त्याने सीमा देवीवर गोळी झाडली. त्यावेळी, ती गोळी पीडितेच्या पायाला लागली आणि ती गंभीररित्या जखमी झाली. मात्र, या सगळ्यात सासूचा जीव वाचला.
पोलिसांचा तपास
घटनेनंतर, पीडितेचे पती मुकेश चंद यांनी सरधना पोलीस स्टेशनमध्ये गुन्हा दाखल केला. याबाबत, गुन्हा दाखल झाल्यानंतर पोलिसांनी पथके तयार केली आणि आरोपी भव्य याला अटक केली. चौकशीदरम्यान, या घटनेत वापरली गेलेली पिस्तूल त्याने हर्षितला दिल्याचं आरोपीने पोलिसांना सांगितले. पोलिसांनी हर्षीतचा शोध घेतला आणि त्याला अटक करून त्याच्याकडे असलेलं हत्यार ताब्यात घेतले. या प्रकरणातील कोमल, भव्य आणि हर्षित या तिन्ही आरोपींना पोलिसांना अटक केली आहे. मेरठ ग्रामीण क्षेत्राच्या पोलीस अधिकाऱ्यांनी दिलेल्या माहितीनुसार, आरोपीच्या चौकशीदरम्यान अनेक बाबी समोर आल्या आहेत.
.png "Videos"){kind=small}
