Mumbai Crime: माता न तू वैरीणी! ‘ती’ वेदनेने ओरडत होती…, आईच्या प्रियकरानेच अडीच वर्षाच्या लेकीवर केला बलात्कार

Mumbai Crime News: 19 वर्षीय आरोपीने मुलीच्या आईसमोर (आरोपी महिला) अडीच वर्षांच्या मुलीसोबत भयंकर कृत्य केले आणि त्यानंतर तिची हत्या केली. ही धक्कादायक घटना मुंबईत घडली आहे.

Mumbai Crime News in Marathi: मुंबईतील मालवणी परिसरातून बलात्काराचा एक हृदयद्रावक प्रकार समोर आला आहे. या प्रकरणी पोलिसांनी एका ३० वर्षीय महिलेला आणि तिच्या १९ वर्षीय प्रियकराला अटक केली आहे. महिलेसमोरच तिच्या प्रियकराने तिच्या अडीच वर्षांच्या मुलीवर बलात्कार केला आणि नंतर मुलीची हत्या केल्याचा आरोप आहे.

संपूर्ण प्रकरण काय आहे?

रात्री उशिरा मुलीला मालवणी येथील सरकारी रुग्णालयात उपचारासाठी आणले तेव्हा पोलिसांसमोर हे प्रकरण उघडकीस आले. तिथे, आरोपी आईने रुग्णालयातील कर्मचाऱ्यांची दिशाभूल केली आणि डॉक्टरांना सांगितले की मुलगी अपस्माराने ग्रस्त आहे, त्यानंतर कर्तव्यावर असलेल्या डॉक्टरांनी तपासणीदरम्यान मुलीला मृत घोषित केले. डॉक्टरांना मुलीच्या गुप्तांगावर जखमांच्या खुणा आढळल्या आणि त्यांनी ताबडतोब पोलिसांना कळवले.

मृत्यूचं इंजेक्शन! १९ वर्षीय तरुणाच्या प्राईव्हट पार्टमध्ये दिलं इंजेक्शन , तपासात समोर आलं असं कारण की वाचून हादराल…

आईने स्वतःच्या मुलीवर बलात्कार करून दिला

यानंतर पोलिस पथक चौकशीसाठी रुग्णालयात पोहोचले. डॉक्टरांनी सांगितले की अल्पवयीन मुलीचा मृत्यू श्वास रोखून धरल्यामुळे आणि शॉकमुळे झाला आणि मुलीवर बलात्कार झाला. मुलीच्या आईच्या संमतीनेच हे क्रूर कृत्य घडत असल्याचा आरोप आहे. घटनेचा अधिक तपास केल्यानंतर, पोलिसांनी मृत मुलीच्या आईला आणि तिच्या प्रियकराला POCSO कायदा आणि भारतीय दंड संहितेच्या अनेक कलमांखाली अटक केली आहे.

आई हॉस्पिटलमध्ये खोटं बोलली

मालवणी पोलिसांनी 30 वर्षीय महिला (मुलीची आई) आणि तिच्या 19 वर्षीय प्रियकराला महिलेच्या अडीच वर्षांच्या मुलीच्या कथित हत्या आणि बलात्कार प्रकरणी अटक केली आहे. मुलीला सरकारी हॉस्पिटलमध्ये दाखल करण्यात आले, त्यावेळी हे प्रकरण उघड झाले. हॉस्पिटलमध्ये आरोपी आईनं कर्मचाऱ्यांची दिशाभूल केली आणि डॉक्टरांना सांगितले की मुलीला मिरगीचा आजार आहे, त्यानंतर ड्युटीवर असलेल्या डॉक्टरांनी तपासणी दरम्यान मुलीला मृत घोषित केले.

मुलगी वेदनेने ओरडत होती…

पोलीस अधिकाऱ्याने सांगितले की, आरोपीने अडीच वर्षांच्या मुलीवर तिच्या आईसमोर बलात्कार केला. ती मुलगी वेदनेने ओरडत होती आणि नंतर तिचा मृत्यू झाला. वैद्यकीय तपासणीच्या आधारे, मालवणी पोलिसांनी भारतीय दंड संहितेच्या कलम ७०,६४,६५(२),६६,१०३,२३८,३(५) तसेच पोक्सो कायद्याच्या कलम ६,१०,२१ अंतर्गत गुन्हा दाखल केला. आरोपी महिला आणि १९ वर्षीय आरोपी मुलामध्ये संबंध असल्याचे सांगितले जात आहे. महिलेचा ३ वर्षांपूर्वी घटस्फोट झाला होता. ती गर्भवती असताना तिचा नवरा तिला सोडून गेला. तिने एका मुलीला जन्म दिला आणि तेव्हापासून आरोपी महिला तिच्या आईच्या घरी राहत होती.

चोरट्यांची पण कमालच! कुटूंबिय घरात असताना तिजोरीच पळविली