परंड्यात तहसीलदारांची गाडी अडवून शिवीगाळ; दोघांवर गुन्हा दाखल
मिळालेल्या माहितीनुसार, तहसीलदार निलेश मारुती काकडे (वय ३२, रा. शासकीय निवासस्थान, तहसील कार्यालय परिसर, परंडा) हे बुधवार १५ एप्रिलला सायंकाळी साडेसहा वाजण्याच्या सुमारास आपल्या मुलीस दवाखान्यात नेत असताना ही घटना घडली.
धावत्या पीएमपी बसमध्ये महिला कंडक्टरवर जीवघेणा हल्ला; चाकू मांडीत खुपसला अन्…
यावेळी तहसील कार्यालयाच्या आवारात योगेश मेटकरी (रा. पिठापुरी, ता. परंडा) आणि त्याचा एक अनोळखी साथीदार यांनी काकडे यांची गाडी अडवली. माझ्या निवेदनावर कारवाई का केली नाही? आत्ताच्या आत्ताच माझ्या अर्जावर कारवाई कर, असा दम देत दोघांनी मोठमोठ्याने आरडाओरड केली. यावेळी त्यांनी तहसीलदारांना शिवीगाळ करत शासकीय कामात अडथळा निर्माण केला. दरम्यान, या घटनेमागे अवैध वाळू उपसा आणि वाळू माफियांचा अँगल असल्याचेही बोलले जात असून, याच कारणामुळे हा गंभीर प्रकार घडल्याची चर्चा स्थानिक स्तरावर सुरू आहे. मात्र याबाबत अधिकृत दुजोरा अद्याप मिळालेला नाही.
घटनेनंतर तहसीलदार काकडे यांनी रात्री उशिरा परंडा पोलीस ठाण्यात फिर्याद दिली. त्यानुसार योगेश मेटकरी व एका अनोळखी व्यक्तीविरुद्ध विविध कलमांखाली गुन्हा (गु.र.नं. १६५/२०२६) दाखल करण्यात आला आहे. यात कलम १३२, २२१, २२४, १२६(२), ३५१(२), ३५२, ३(५) तसेच महाराष्ट्र पोलीस कायदा कलम ११०, ११२, ११७ यांचा समावेश आहे.
या घटनेमुळे शासकीय अधिकाऱ्यांच्या कामकाजात अडथळे निर्माण होण्याबरोबरच कायदा-सुव्यवस्थेच्या दृष्टीनेही चिंता व्यक्त केली जात आहे. पुढील तपास पोलिसांकडून सुरू असून, घटनेमागील कारणे शोधण्याचा प्रयत्न केला जात आहे.
तसेच धाराशिव जिल्ह्यातील तुळजापूर तालुक्यातील मंगरूळ येथे एका ३५ वर्षीय युवकाची डोक्यात दगड घालून आणि तीक्ष्ण हत्याराने वार करून अत्यंत निर्घृणपणे हत्या करण्यात आली आहे. या घटनेने संपूर्ण जिल्ह्यात मोठी खळबळ उडाली असून, प्राथमिक तपासाअंती पोलिसांनी मृताच्या पत्नीसह ७ जणांना चौकशीसाठी ताब्यात घेतलं आहे.
Romance Scam: डॉक्टर, वकील, प्रेमिका…! ५०० हून अधिक महिला ‘रोमांस स्कॅम’चे बळी, असं गुपित झाले उघड
.png "Videos"){kind=small}
