
Mumbai local Train: विनातिकीट प्रवाशाच्या रागाचा फटका भलत्याच निरपराध नागरिकाला; मुंबई लोकलच्या सुरक्षेचा प्रश्न ऐरणीवर!
मिळालेल्या माहितीनुसार, धारावीत राहणारे ५३ वर्षीय सुरेश शर्मा हे रविवारी कामानिमित्त बोरिवली येथे गेले होते. तिथून परतत असताना ते विरारहून चर्चगेटच्या दिशेने जाणाऱ्या जलद लोकलने प्रवास करत होते. लोकल अंधेरी स्थानकातून पुढे निघाल्यानंतर त्यांच्या पाठीमागच्या सीटवर बसलेले दोन प्रवासी आपापसात कोणत्यातरी कारणावरून वाद घालू लागले. हा वाद विकोपाला जाऊन त्यांच्यात शिवीगाळ आणि हाणामारी सुरू झाली. दुपारी १२:१२ वाजता लोकल अंधेरी स्थानकात थांबली असता, त्यातील एक प्रवासी फलाटावर उतरला, तर दुसरा प्रवासी डब्यातच उभा राहिला.
ट्रेन अंधेरी स्थानकातून पुढे निघताच, फलाटावर उभ्या असलेल्या त्या तरुणाने संतापाच्या भरात डब्यात उभ्या असलेल्या प्रवाशाच्या दिशेने एक धारदार चाकू फेकला. मात्र, निशाणा चुकल्याने तो जीवघेणा चाकू दरवाजाजवळ उभे असलेल्या ५३ वर्षीय सुरेश शर्मा यांच्या छातीच्या उजव्या भागात जाऊन घुसला. अचानक झालेल्या या हल्ल्यामुळे डब्यात एकच खळबळ उडाली आणि शर्मा रक्ताच्या थारोळ्यात खाली कोसळले.
ही लोकल दुपारी १२:२१ वाजता साखळी ओढल्यामुळे वांद्रे रेल्वे स्थानकातील फलाट क्रमांक ५ वर थांबवण्यात आली. यावेळी रेल्वे सुरक्षा दल (RPF) जवानांनी तपासणी केली असता, सुरेश शर्मा यांच्या छातीतून रक्तस्राव होत असल्याचे निदर्शनास आले. घटनेची माहिती मिळताच आरपीएफचे निरीक्षक आर. के. शर्मा आणि उपनिरीक्षक अरुण कुमार पांडे यांनी तात्काळ घटनास्थळी धाव घेतली. जखमी शर्मा यांना बांद्रा स्थानक व्यवस्थापकाच्या कार्यालयात प्राथमिक उपचार देण्यात आले आणि त्यानंतर तातडीने बांद्रा येथील भाभा रुग्णालयात दाखल करण्यात आले. सुदैवाने सध्या त्यांची प्रकृती स्थिर असल्याची माहिती रेल्वे सुरक्षा दलाने दिली आहे.
दरम्यान, चाकू फेकून पळून जाण्याचा प्रयत्न करणाऱ्या शिवा गायकवाड (२५) या मुख्य आरोपीला रेल्वे पोलिसांनी तत्परतेने ताब्यात घेतले असून, तो विनातिकीट असल्याची माहिती समोर आली आहे. पुढील कायदेशीर तзеपासासाठी हा गुन्हा अंधेरी रेल्वे पोलिसांकडे वर्ग करण्यात आला आहे.
Ans: विरारहून चर्चगेटच्या दिशेने जाणाऱ्या जलद लोकलमध्ये हा प्रकार घडला.
Ans: जखमी झालेल्या प्रवाशाचे नाव सुरेश शर्मा (वय ५३) असून ते धारावीत राहतात
Ans: आरपीएफ आणि रेल्वे पोलिसांनी तातडीने कारवाई करत आरोपी शिवा गायकवाड याला ताब्यात घेतले असून, पुढील तपास अंधेरी रेल्वे पोलिसांकडे सोपवण्यात आला आहे.