Cyber Crime : सायबर क्राइमबाबत मुंबई पोलिसांची धडक कारवाई, ‘ही’ टोळी आली समोर

Cyber Crime : सायबर क्राइमच्या माध्यमातून मुंबई पोलिसांनी केलेल्या कारवाईत दोघांना अटक करण्यात आली आहे. यातून पोलिसांनी लाखो रुपयांचे महागडे मोबाइल फोन जप्त करण्यात आलेत.

 

सायबर गुन्हेगारी संदर्भात एक मोठी बातमी समोर आली आहे. सायबर क्राइम (Cyber Crime) च्या माध्यमातून महागडे मोबाईल खरेदी करणाऱ्या टोळीला एलटी मार्ग पोलिसांनी जेरबंद केले आहे. पोलिसांनी गुजरातच्या अहमदाबादेतून आणि मुंबईच्या कुर्ल्यातून दोन आरोपींना अटक करण्यात आली असून त्यांच्याकडून 19,66,075 रुपयांचे 25 मोबाइल फोन जप्त केले आहेत.

पीडित व्यक्तीच्या तक्रारीनंतर कारवाई

एलटी मार्ग पोलिसांनी एका व्यक्तीची फिर्याद नोंदवली होती. त्या पीडित व्यक्तीने पोलिसांना तक्रार दिलेली की, एका अज्ञात मोबाइल क्रमांकावरून मला कॉल आला. कॉल करणाऱ्याने मला आरबीएल क्रेडिट कार्डचे प्रतिनिधी असल्याचे सांगितले. त्याने मला सांगितले की, तुमच्या क्रेडिट कार्डवर सध्या ई-मेल सेवा सर्व्हिस बंद करायची आहे व त्यासाठी मी तुम्हाला व्हॉट्स अॅपवर एक लिंक पाठवतो. लिंकवर क्लिक करताच सायबर भामट्याने पीडितेच्या क्रेडिट कार्डमधून 3 ट्रांझॅक्शन करत 4, 48,721 रुपयांच्या स्वीगी प्लॅटफॉर्मवर खरेदी केली.

Kolhapur Crime: भरदिवसा गोळ्या झाडल्या, १३ वर्षांनी लागला हिशेब; हेमंत गायकवाड हत्या प्रकरणात पिता-पुत्रांना जन्मठेप

आतापर्यंत दोघांना अटक

पोलिसांनी सांगितले की, प्रकरणाची गंभीरता पाहता तांत्रिक तपास सुरू केला. तपासाच्या आधारे पोलिसांनी अनिसबेग समिरबेग मिर्झा (23) आणि मोईन रहीम शेख (34) यांना अटक केली. पोलीस पुढे म्हणाले की, आरोपींकडे 2 आयफोन मोबाइल आणि इतर सायबर फ्रॉड प्रकरणातून विकत घेतलेले 25 मोबाइल फोन जप्त करण्यात आले.

नुकतेच दिल्लीच्या साउथ डिस्ट्रिक्टच्या सायबर पोलिसांनी टेलिग्राम आधारित टास्क आणि क्रिप्टो करंन्सी इन्वेस्टमेंट फसवणूकीप्रकरणी एका आंतरराज्यीय सायबर भामट्यांच्या टोळीचा भांडाफोड केला होता. तसेच पोलिसांनी याप्रकरणी उत्तराखंडच्या ऊधम सिंह नगरातून तिघांना ताब्यात घेतले होते.

‘एकमेकांकडे पाहिलं’ अन् वाद पेटला, डिलिव्हरी बॉयच्या डोक्यात कोयत्याने वार; उत्तमनगरमधील घटनेनं खळबळ

तक्रारकर्ते कथितरित्या एका टेलिग्रामच्या माध्यमातून या भामट्यांच्या संपर्कात आले होते. जिथे त्यांना चांगल्या परताव्याचे वचन देत ऑनलाइन टास्क आणि क्रिप्टोकरंन्सीमध्ये पैसे गुंतवण्यासाठी उकसवण्यात आले.
पोलिसांनी सांगितले की, त्यांच्या गोष्टींवर विश्वास ठेवत तक्रारकर्ताने आरोपींच्या मार्गदर्शनानुसार 4,66,300 आणि 3,20,000 रुपयांच्या दोन ट्रान्झॅक्शनसह एकूण 7,86,300 रुपयांची गुंतवणूक केली होती. आरोपींनी वचनानुसार त्यांना कोणतेच पैसे परत केले नाही, तसेच गुंतवणूकीचे पैसे परत मागितल्यानंतर उत्तर देणे बंद केले. ज्यानंतर तक्रारदाराला आपली फसवणूक झाल्याचे कळले.