Nagpur Crime: ऑनलाईन गेम्सचे व्यसन, परंतु पालकांनी मोबाईल देण्यास दिला नकार; १३ वर्षीय मुलीने उचलले टोकाचे पाऊल

नागपूरमध्ये मोबाईल न दिल्याच्या रागातून १३ वर्षीय आठवीच्या विद्यार्थिनीने आत्महत्या केली. ऑनलाइन गेम्सच्या व्यसनामुळे ती पालकांकडे नवीन मोबाईलसाठी हट्ट करत होती. घरी एकटी असताना तिने गळफास लावून प्राण दिला.

• १३ वर्षीय मुलीला ऑनलाइन गेम्सचे व्यसन होते.
• पालकांनी मोबाईल देण्यास नकार दिल्याने ती नाराज होती.
• घरी एकटी असताना ओढणीने गळफास लावून आत्महत्या.

नागपूर: नागपूर येथून एक हृदयद्रावक आणि धक्कादायक घटना समोर आली आहे. मोबाईल न मिळाल्याच्या रागातून केवळ १३ वर्षीय आठवीत शिकणाऱ्या विद्यार्थिनीने आत्महत्या केल्याची माहिती समोर आली असून, या घटनेमुळे परिसरातच नव्हे तर संपूर्ण शहरात हळहळ व्यक्त केली जात आहे. ही घटना नागपूरमधील चंकापूर विभागातील हनुमान मंदिर परिसरात घडली. मोबाईल आणि ऑनलाईन गेम्सचे वाढते व्यसन मुलांच्या मानसिक आरोग्यावर कसा गंभीर परिणाम करत आहे, याचे हे एक दुःखद उदाहरण ठरले आहे.

Dhule Crime: ‘मेला तर गाडून टाकू…’ अपहरण करून बैलगाडीला बांधलं, खाली आग लावून…; धुळ्यातील क्रूर प्रकार!

नेमकं काय घडलं?

नातलगांनी दिलेल्या माहितीनुसार, ही १३ वर्षांची मुलगी बराच काळ मोबाईलवर ऑनलाईन गेम्स खेळत होती. मोबाईल शिवाय एक क्षणही न रहाण्याची तिला सवय लागली होती. काही दिवसांपासून ती तिच्या आई-वडिलांकडे नवीन मोबाईल फोन घेऊन देण्यासाठी सातत्याने हट्ट करत होती. पालकांनी मोबाईल देण्यास नकार दिल्याने मुलीचा राग आणि अस्वस्थता वाढतच गेली.

रविवारी दुपारी मुलीची आई आणि बहिण काही कामामुळे बाहेर गेल्या. त्या वेळी घरात एकटीच असलेल्या मुलीने अतिउत्स्फूर्त आणि टोकाचा निर्णय घेतला. घरात पडलेल्या ओढणीच्या सहाय्याने तिने गळफास लावून आपले जीवन संपवले. काही तासांनी आई घरी परतली, तेव्हा तिने मुलीची अवस्था पाहून हंबरडा फोडला. या दुर्दैवी घटनेनंतर तात्काळ पोलिसांना याची माहिती देण्यात आली.

पोलिसांनी घटनास्थळी धाव घेतली. घराची पाहणी करून त्यांनी मृतदेहाचा पंचनामा केला आणि पुढील तपासासाठी तो शवविच्छेदनासाठी पाठवला. पोलीस सूत्रांनुसार, या प्रकरणात अकस्मात मृत्यूचा गुन्हा दाखल करण्यात आला आहे. मात्र मुलगी मोबाईलच्या व्यसनात अडकली होती आणि पालकांनी मोबाईल देण्यास नकार दिल्याने तिने आत्महत्येचं पाऊल उचललं, अशी प्राथमिक माहिती मिळाली आहे.

ही घटना समाजासाठी मोठा धडा आहे. मुलांमध्ये मोबाईल आणि ऑनलाईन गेम्सचं वाढतं व्यसन, पालकांशी होणारे ताणतणाव, मानसिक तणाव आणि त्याचे परिणाम किती गंभीर ठरू शकतात, याचा विचार करणे गरजेचे आहे. अशा घटना थांबवण्यासाठी पालकांनी मुलांशी संवाद वाढवणे, त्यांना डिजिटल डिटॉक्सची सवय लावणे आणि भावनिक आधार देणे अत्यंत महत्त्वाचे ठरते.

Mumbai: गौरी पालवे आत्महत्या प्रकरणात पंकजा मुंडे यांच्या पीएला अटक; अनंत गर्जेनी जरी केले निवेदन