Nagpur crime: साक्षगंध कार्यक्रमातून उफाळला वाद; जुन्या वैमनस्यातून गोळीबार, एक जखमी

कळमेश्वर तालुक्यातील शंकरपट येथे साक्षगंध कार्यक्रमानंतर जुन्या वैमनस्यातून युवक बाल्या गुजरवर गोळीबार झाला. तो गंभीर जखमी असून पोलिसांनी घटनास्थळावरून पसार झालेल्या सात आरोपींना अल्पावधीत अटक केली आहे.

• कार्यक्रम संपताच बाल्या व देवामध्ये जुना वाद पुन्हा पेटला
• आरोपींनी मांडी व छातीवर गोळ्या झाडत हल्ला केला
• पोलिसांनी तत्काळ पथके रवाना करून सातही आरोपींना पकडले

कळमेश्वर: साक्षगंधाचा कार्यक्रम संपताच जुन्या वैमनस्यातून एकावर गोळीबार झाल्याची थरारक घटना मोहपाजवळील शंकरपट येथे रविवारी (दि. २३) घडली. बाल्या हिरामण गुजर, रा. बिरसानगर, कुही फाटा, ता. उमरेड असे जखमीचे नाव आहे. या घटनेमुळे एकच खळबळ उडाली. गावात सध्या भीतीचे वातावरण पसरले असून याप्रकरणी पोलिसांनी ७ जणांना अटक केली. घटनेच्या दिवशी रविवारी शंकरपट येथे साक्षगंधाचा कार्यक्रम सुरू होता. हा कार्यक्रम संपताच बाल्या व देवा ऊर्फ परमेश्वर पिसाराम एकनाथ रा. वॉर्ड क्र. २, सेलू, ता. कळमेश्वर यांच्यात जुन्या वैमनस्यातून वाद उफाळला. हा वाद इतका विकोपाला गेला की, आधी मारहाण व नंतर थेट गोळीबारात परावर्तीत झाला. आरोपी देवा ऊर्फ परमेश्वर पिसाराम एकनाथ, तपन पिसाराम एकनाथ, आकाश पिसाराम एकनाथ, मोरेश्वर पिसाराम एकनाथ, सावन काशिराम एकनाथ,काशिराम बाबुराव एकनाथ व दिनेश सनेश्वर सर्व रा. सेलू यांनी त्याच्यावर गोळीबार केला. यात बाल्या गंभीर जखमी झाला. त्याला लागलीच नागपूर येथील रुग्णालयात हलविले तर घटनेनंतर आरोपी घटनास्थळावरून पसार झाले. घटनेची माहिती मिळताच कळमेश्वर पोलिसांनी घटनास्थळ गाठून पंचनामा केला. तसेच आरोपींच्या शोधार्थ पथक तयार करून रवाना केले. काही वेळातच विविध ठिकाणांहून आरोपींना अटक करण्यात आली.

Dhule Crime: ‘मेला तर गाडून टाकू…’ अपहरण करून बैलगाडीला बांधलं, खाली आग लावून…; धुळ्यातील क्रूर प्रकार!

मांडी, छातीवर डागली गोळी

आरोपी देवा उर्फ परमेश्वर एकनाथने बाल्या गुजर याच्या मांडी व छातीवर गोळ्या झाडल्या. ४ महिन्यांपूर्वी बाल्याने देवाचे अपहरण केल्याची माहिती आहे, त्या वादातूनच हा हल्ला झाल्याची प्राथमिक माहिती आहे. या गोळीबारानंतर निर्माण झालेल्या गोंधळात बाल्याचा भाऊ सुनील गुजर, मुकश मापूर आणि अन्य काही पाहुणेही जखमी झाले, यातील जखमी बाल्याला मेडिकलमध्ये तर इतरांना मॅक्स हॉस्पिटलमध्ये हितेश बन्सोड यांनी दाखल केले.

बंदूक आणली कुठून?

ही घटना नियोजित असल्याचे दिसते. आधी वाद, त्यानंतर जुने प्रकरण उकरून काढत वचपा काढण्याचा हा प्रकार आहे. मात्र, या घटनेत वापरलेली बंदूक किंवा त्यासदृश शस्त्र आरोपीनी आणले कुठून ? असा प्रश्न आहे. ग्रामीण भागात गत काही दिवसात गुन्हेगारांकडून घातक शस्त्रांचा वापर होताना दिसत आहे. त्यामुळे शहरातील लोन ग्रामीण भागात वायूवेगाने पसरत असल्याने चिताही व्यक्त केली जात आहे.पोलिस प्रशासनाची धावाधाव गोळीबाराच्या घटनेनंतर ग्रामीण पोलिसात धावाधाव झाली. ग्रामीणचे पोलिस अधीक्षक हर्ष पोद्दार, अपर पोलिस अधीक्षक अनिल मस्के, उपविभागीय अधिकारी सागर खर्डे, तसेच गुन्हे शाखेचे पोलिस निरीक्षक ओमप्रकाश कोकाटे यांनी घटनास्थळी भेट दिली.

Nagpur Crime: ऑनलाईन गेम्सचे व्यसन, परंतु पालकांनी मोबाईल देण्यास दिला नकार; १३ वर्षीय मुलीने उचलले टोकाचे पाऊल